هێزێن سووریەیا دەمۆکراتیک “هەسەدە” و هەیئەت تەحریر ئەلشام کو گرۆپەکە میلیشیایە چەندین جاران ب هەڤ رە جڤیانە و د جڤینێن خوە دە پێوەندیێن لەشکری، دبلۆماسی و ئابۆری نیقاش کرنە.
پشتی کو هەیئەت تەحریر ئەلشام ل سالا 2017ێ ژ ئەلقاعیدەیێ جودا بووی، ب رێیا کەسێن عەرەب یێن ل پارێزگەها ئدلبێ نیشتەجی و د ناڤا رەفێن هێزێن سووریەیا دەمۆکراتیک دە نە، تێکلیێن نە فەرمی ب هەسەدێ رە دانین، ڤان دو هیزان هن جاران کەسێن داخوازکری یێن د بن دەستهلاتا خوە دە رادەستی ئالیێ دن کرینە.
چاڤکانیێن تایبەت یێن پێگەها دارکا مازی ئەشکەرە کرن، د دەما سالێن دەرباسی بوویی دە چەندین جڤین د نێڤبەرا رایەدارێن ڤان دو هێزان دە پێکهاتنە، ژ بۆ میناک ل گۆلانا سالا 2022 ل باژارۆکێ منبجێ یێ سەر ب پارێزگەها ئدلبێ ڤە هن بەرپرسێن هەیئەت تەحریر ئەلشام و هەسەدێ جڤیانە و د جڤینێ دە باس ل چەوانیا لاوازکرن و ژناڤبرنا پێکهاتەیێن سەر ب ئارتێشا نەتەوەیی یا سووریێ ل باکورێ پارێزگەها حەلەبێ کرنە.
هەر وەها جاڤکانیێن دارکا مازی ئەشکەرە کرن، د 12ێ کانوونا 2022 دە ژی ل باژارێ جەرابلوس یێ سەر ب پارێزگەها حەلەبێ ڤە، جڤینەکە دن د نێڤبەرا رایەدارێن ڤان دو هێزان دە پێکهاتیە و د ڤێ جڤینێ دە رایەدارێن هەیئەت تەحریر ئەلشام پێشنیار کریە کو چەکدارێن کورد ل باکور و رۆژهلاتێ سووریێ ڤەکشن و هێزێن هەیئەت تەحریر ئەلشام جهێ وان بگرن، پشت رە هەر دو هێز ب هەڤرە رێڤەبەریەکا خوەسەر ژ بۆی ناڤچەیێ پێک بینن و ب هەڤ رە ل دژی هێزێن رەژێما سووریێ و میلیشیایێن ئیرانێ شەر بکن.
چاڤکانیێن مە تەکەز کرن، ئەبو محەمەد ئەلجولانی یێ فەرماندارێ گشتی یێ هەیئەت تەحریر ئەلشام، هن بەرپرسێن ڤێ رێخستنێ ئەرکدار کرنە ژ بۆی کو هەماهەنگیێ ب هەسەدێ رە بکن و ژ ئالیێ چەک و تەقەمەنیان ئالیکاریا هەسەدێ بکن.
هەر وەها رایەدارێن هەیئەت تەحریر ئەلشام د جڤینەکە دن دە داخواز ژ رایەدارێن هەسەدێ کریە تێکلی و هەماهەنگیا لەشکری د نێڤبەرا وان دە هەبە ژ بۆی کو ل باکور و رۆژهلاتێ سووریێ رووبروویێ هێزێن رەژێما سووریێ و میلیشیایێن سەر ب ئیرانێ ببن.
هەری داوی ژی، نوونەرێن هەسەدێ و هەیئەت تەحریر ئەلشام ل مەها خزیرانا سالا 2023 ل گوندێ “ئەلغەزاویە” یێ کو دکەڤە د نێڤبەرا پارێزگەها حەلەب و ئدلبێ جڤیانە و ل سەر مژارێن گرێدایی بازرگانیا پەترۆلێ د نێڤبەرا خوە دە نیقاش کرنە.
هەیئەت تەحریر ئەلشام، کو جارنان وەکی رێخستنا تەحریر ئەلشام تێ ب ناڤ کرن، کۆمەک جیھادی یا سەلەفی یە کو ھین ژی د شەرێ ناڤخوەیی یێ سووریێ دەیە. کۆم د 28ێ چلەیا 2017ێ دە ب رێیا یەکبوونا جەبھەت فەتح ئەل-شام (بەرێ جەبھەت ئەل-نوسرە) بوو، ئەنسار ئەل-دین، پاشێ جەیش ئەل-سوننە، لیوا ئەل-حەق و نوور ئەل-دین ھات دامەزراندن. دەمەک کن پشتی راگھاندنا دامەزراندنێ؛ چەند گرووپێن دن تەڤلی وێ رێخستنێ بوون، ھەروھا ھەژمارەک کەس و شەرڤانێن ژ سووریێ و دەرڤەیی سووریێ ژی تەڤلی رێخستنێ بوونە.
