کورێ تەرۆریستەکی سەر ب داعشێ ڤە کو ب رەگەز عەرەبە و بابێ وی بەشداری ئێریشا ل سەر شەنگالێ بوویە نها د ناڤا رەفێن یەبەشێ دە یە و وەکە شۆفێرێ بەرپرسێ ئیستیخباراتا یەبەشێ کار دکە.
ل گۆر ئاگاهیێن تایبەت یێن پێگەها دارکا مازی کو ل چاڤکانیێن هەرێمی ب دەست خستنە، عەسکەر یوونس حەمید معیلی، ب کۆد ناڤێ فەدایی عەسکەر کو ب ئەسلا خوە عەرەبە و ژ داییک بوویێ سالا 2002یێ یە کورێ تەرۆریستەکی سەر ب داعشێ یە کو بەشداری ئێریشا ل سەر ئیزدیان ل شەنگالێ بوویە و فەرمانا دەستەسەرکرنا وی ژ ئالیێ دادگەها مووسلێ ڤە دەرکەتیە.
ئەڤ چەکدارێ یەبەشێ ژ گوندێ چایر غلفس یێ سەر ب باژارۆکێ بەعاجە و نها نیشتەجیێ گوندێ ئوم ئەلزیبان یێ سەر ب باژارۆکێ گرعزێرێ یە. ئەو د سالا 2017 دە دەما ژیێ وی هێژان 15 سال بەشداری ناڤا رەفێن یەبەشێ بوویە و د ناڤا یەبەشێ دە وەکە شۆفێرێ بەرپرسێ ئیستیخباراتا یەبەشێ یێ ب ناڤێ عەبدوللا حەدو ب کۆد ناڤێ “رێناس” کو بارەگەهێ وان ل گوندێ سکینە یێ سەر ب باژارۆکێ گرعزێرێ یە کار کریە.
چاڤکانیێن دارکا مازی هەر وەها ئەشکەرە کرن، زێدەباری کارێ خوە یێ شۆفێریێ، عەسکەر یوونس ب کارێ کۆمکرنا ئاگاهیان و تەجنیدکرنا زارۆکێن عەرەب د ناڤا رەفێن یەبەشێ دە ل گوندێن سینۆری یێن سووریێ رابوویە.
باڤێ عەسکەر، یوونس حەمید معیلی پێش نها چەکدارێ داعشێ بوویە ل بەعاجێ و د ئێریشا ل سەر شەنگالێ دە یا ل 3/8/2014 بەشدار بوویە و نها د زیندانا جرکین یا ل سووریێ کو ژ ئالیێ هەسەدێ ڤە تێ برێڤەبرن ب سووچا داعش بوونێ د زیندانێ دە یە، ئەڤ د دەمەکی دە یە کو فەرمانا دەستەسەرکرنا وی ژ ئالیێ دادگەها مووسلێ د 28/9/2016 دە دەرچوویە.
