شاندەکە پلەبلند یا ئەولەکارییا ئیراقێ ب سەرۆکاتیا شێورمەندێ ئاساییشا نشتیمانی قاسم ئەل-ئه‌عرەجی سەردانا ئیرانێ دکە.
ئۆفیسا راگهاندنێ یا شێورمەندێ ئاساییشا نشتیمانی یا ئیراقێ ئیرۆ د داخویانیەکێ دە راگهاند، «ل سەر فەرمانا فەرماندارێ گشتییێ هێزێن چەکدار محەمەد شه‌یاع سوودانی، شاندەکە ئەولەهیێ یا بلند ب سەرۆکاتیا قاسم ئەل-ئه‌عرەجی ئیرۆ چوو ئیرانێ».
وەزیرێ ناڤخوە یێ هەرێما کوردستانێ رێبه‌ر ئەحمەد ژی کو د ناڤا شاندەیێ دە جهـ دگرە، ئارمانجا سەردانێ تەمامکرنا جیبجیکرنا رێکەفتنا ئەولەهیێ یا د ناڤبەرا ئیراق و ئیرانێ دە یە.
ل گۆری مەدیایا ئیراقێ، شاندە دێ ب رایەدارێن ئەولەهیێ یێن ئیرانێ رە ل سەر جیبجیکرنا هەموو خالێن رێکەفتنا ئەولەهیێ یا ناڤبەرا ئیراق و ئیرانێ و ئەولەهیا سینۆرێن ئیرانێ گۆتووبێژان بکە.
ئەڤ یەک پشتی وێ تێ، رۆژا 18\9\2023ان شێورمەندێ ئاساییشا نشتیمانی یا ئیراقێ سەردانا هەولێرێ کر و ل گەل وەزیرێ ناڤخوە رێبه‌ر ئەحمەد جڤیا و نوونەرا نه‌ته‌وێن یه‌كبوویی ل ئیراقێ جینین پلاسخارت ژی د جڤینێ دە ئامادە بوو.
هات راگهاندن د جڤینێ دە هەر دو ئالیان بەحسا قۆناغا پشتی جیبجیکرنا رێکەفتنا ئەولەهیێ یا د ناڤبەرا ئیراق و ئیرانێ دە کرن.
