وه‌زیرێ ناڤخوه یێ تركیێ ده‌ربارێ ته‌قینا كو ئیرۆ ل به‌ر ئاڤاهییا وه‌زاره‌تا ناڤخوه یا تركیێ ل ئه‌نقه‌رێ پێكهاتی داخویانی دا و گۆت كو ئه‌ڤ ئێریش ته‌رۆریستی بوو.
عەلی یەرلیکایا وه‌زیرێ ناڤخوه یێ تركیێ ئیرۆ رۆژا یه‌كشه‌می 1\10\2023ان ده‌ربارێ ئێریشا ل ئه‌نقه‌رێ داخویانی دا و گۆت: ئیرۆ دانێ سپێدێ ل ناڤچه‌یا چاناكایا ل ناڤه‌ندا باژارێ ئه‌نقه‌رێ یێ پایته‌ختێ تركیێ، ته‌قینه‌ك پێكهات و پشتره ده‌نگێ ته‌قێ هات بهیستن.
وه‌زیرێ ناڤخوه ئاشكه‌ر كر، ساعه‌ت 9:30 دو ته‌رۆریستان ب ئۆتۆمۆبیله‌كێ هاتبوو به‌ر ئاڤاهیێ برێڤه‌برییا گشتی یا ئاساییشێ یا وه‌زاره‌تا ناڤخۆ و ب بۆمبێ ئێریش كرن.
ده‌ستنیشان كر، یێك ژ ته‌رۆریستان خوه ته‌قاندیه و ته‌رۆریستێ دویه‌مین ژی هاتیه كوشتن.
وه‌زیرێ ناڤخوه یێ تركیێ راگهاند كو د ده‌ما ته‌قه‌كرنێ ده دو ئه‌فسه‌رێن پۆلیسان ب سڤكی بریندار بوونه و ئاماژه كر كو هه‌ولێن وان ژ بۆ كونترۆلكرنا ره‌وشێ ده‌وام دكن.
