ل 43 پارێزگەھێن ترکیێ و باکورێ کوردستانێ ھشیاریا لەھیێ ھات دایین

ل 43 پارێزگەھێن ترکیێ و باکورێ کوردستانێ پێلەک باران دبارە و ھشیاری ژ رابوونا لەھیێ تێ دایین.

ناڤەندا کەشناسیێ یا ترکیێ د داخویانیەکێ دە راگھاند، ژ ئیرۆ و پێ ڤە دێ پێلەکا باران و برووسکێ ب سەر 43 پارێزگەھان دە بێ.

ل گۆری داخویانیێ، 43 پارێزگەھ کەتنە لیستەیا پارێزگەھێن کو دڤێ روونشتڤانێن وان خوە ژ لەھیان رە ئامادە بکن و خوە ژ جھێن کو ئاڤ تێ دە کۆم دبە، دوور بخن.

ل ترکیێ و باکورێ کوردستانێ د رۆژێن پێش دە پلەیا گەرمێ دێ 3 ھەتا 5 پلەیان داکەڤە.

ژ وان 43 پارێزگەھان، 10 پارێزگەھ ل باکورێ کوردستانێ نە و وەلاتیێن وان پارێزگەھان ژ بەر بارینا بارانا زێدە ھاتنە ھشیارکرن.