پەکەکێ بەرپرسیاریا ئێریشا ئەنقەرەیێ گرت سەر خوە

ھێزێن پاراستنا گەل (ھەپەگێ) کو باسکێ پەکەکێ یێ چەکدارییە، ل سەر تەقینا ل ئەنقەرەیێ داخویانیەک دا و بەرپرسیاریا ئێریشێ ل خوە گرت.

ئیرۆ دانێ سبێ ل بەر ئاڤاھیا وەزارەتا ناڤخوەیا ترکیێ د ئەنجاما ئێرشەکە خوەکوژی دە 2 پۆلیس بریندار بوون. ھەپەگێ د داخویانیا خوە دە دا زانین کو ئێرش ژ ئالیێ تابوورا نەمران ڤە ھاتیە ئەنجامدان.

ل گۆری داخویانیا ھەپەگێ “رۆژھات زیلان” و “ئەردال شاھین” ئەڤ ئێرش پێک ئانینە.

ھەروھا ھات راگھاندن کو ئەڤ ئێرش ژ بۆ “ئاخین مووش”ێ ھاتیە کرن. ھولیا دەمیرەر یا ب ناسناڤێ “ئاخین مووش”، ل ئامەدێ جانێ خوە ژ دەست دابوو.

ژ ئالیێ خوە ڤە وەزیرێ ناڤخوە عەلی یەرلیکایا د داخویانیەکێ دە ل سەر تۆرا خوە یا جڤاکی X (تویتەرا بەرێ) راگھاند، ئیرۆ دانێ سبێ رۆژا یەکشەمێ 1ێ جۆتمەھا 2023، دەمژمێر 09:30، 2 تەرۆریست ب وەساییتەکە بازرگانیێ ھاتن بەر دەریێ مدووریەتا گشتی یا ئەولەھیێ و ئێریشا تەرۆریستی یا گرێدایی وەزارەتا کارێن ھوندر پێک ئانی.”

هەر وەها راگهاند، “یەک ژ تەرۆریستان خوە تەقاند و یەک ژی ژ ئالیێ ھێزێن ئەولەھیێ ڤە ھات کوشتن.” ئاماژە ب ڤێ یەکێ ژی کر کو “د بوویەرێ دە 2 پۆلیس ب سڤکی بریندار بوونە”.