پشتی تەقینا ل ئەنقەرێ، 20 بەرگومانێن پهكهكێ ل ستەنبۆلێ و کرکلارەلیێ هاتن دەستەسەرکرن.
وەزیرێ ناڤخوەیێ ترکیێ عهلی یەرلیکایا د داخویانیەکێ دە راگهاند، ل ستەنبۆلێ و کرکلارەلیێ ل دژی پهكهكێ ئۆپەراسیۆن هاتیە کرن و هێزێن ئەولەهیێ ئاڤێتنە سەر 26 مال و ئاڤاهیان، د ئەنجامێ دە ژی، 20 کەس هاتنە دەستەسەرکرن.
وەزیرێ ناڤخوە یێ ترکیەیێ دیار کر کو د ناڤا دەستەسەرکریان دە ئەندام و بەرپرسێن ههدهپێ ژی هەنە.
دوهـ دانێ سبێ، ئێریشەکە بۆمبەیی ل دژی رێڤەبەریا گشتی یا ئەولەهیێ یا سەر ب وەزارەتا ناڤخوە ل ئەنقەرێ هاتبوو کرن و د ئەنجامێ دە دو پۆلیس بریندار بووبوون و دو چەکدار هاتبوون کوشتن.
پشتی ئێریشێ ژی، فەرمانداریا بریارگەها ناڤەندی یا پاراستنا گەل یا سەر ب پهكهكێ ڤە، بەرپرسیارتیا خوە ل هەمبەر ئێرشا ل ئەنقەرێ راگهاندبوو.
