ئالیکارێ وەزیرێ دەرڤەیێ سووریێ تەکەز دکە، بێی ڤەکشینا لەشکەرێن ترکیێ ژ سووریێ، ئاساییکرنا پێوەندیێن لگەل ئەنقەرێ نەمومکینە.
ئالیکارێ وەزیرێ دەرڤەیێ سووریێ بەسام سەباخ ژ بۆ “سپوتنک” راگهاند: “دڤێت ترکیە ھێزێن خوە یێن لەشکەری ڤەکشینە. ھەلبەت، ئەم دێ ڤەکری بن کو لگەل وان گۆتووبێژان بکن، لێ ئەڤ یەک لگەل مایینا وان نابە، ئەڤە داگیرکەریەکا نەیاسایی یە و دێ رێ ل بەر ھەموو ھەولدانێن دەربارێ ڤێ یەکێ بگرە.”
سەباخ تەکەزی ل سەر وێ یەکێ کر، چ جورە تێکلی و پێوەندیێن وان لگەل ترکیێ نینە.
ئەڤ داخویانیا سەباخ پشتی وێ تێ، رۆژا ئەینیا بۆری وەزیرێ بەرەڤانیێ یێ ترکیێ یەشار گولەر ئامادەبوونا ئەنقەرێ ژ بۆ دەستپێکرنا گۆتووبێژان ژ بۆ ئاساییکرنا پێوەندیێن لگەل شامێ پشتراست کر، لێ د ھەمان دەمێ دە ھەلوەستا وەلاتێ خوە یا رەدکرنا ڤەکشینا ژ باکورێ سووریێ دوبارە کر.
گولەر د داخویانیەکە رۆژنامەڤانی دە گۆت: “ئەم ھەر تم ئامادە نە کو روونن و دیالۆگێ بکن، لێ داخوازێن ئالیێ سووریێ نە تشتەکە کو یەکسەر بهێت قەبوولکرن.”
ژ سالا 2011، ژ دەستپێکا شەرێ ل سووریێ ڤە پێوەندیێن ئەنقەرە و شامێ یێن کو پێشتر پر نێزیک بوون، تێک چوون. لێ د ڤان دەمێن داوی دە، ھەر دو ئالی بەحسا ئاساییکرنا پێوەندیان دکن.
د بەرچلەیا سالا بۆری دە ژی، رووسیایێ پشتی 11 سالان، مێڤانداریا یەکەم ھەڤدیتنێن د ناڤبەرا ترکیە و سووریێ دە ل سەر ئاستا وەزیرێن بەرەڤانیێ کربوو.
