رێخستنا په‌كه‌كێ ئیرۆ ناسنامه‌یا دو چه‌كدارێن خوه یێن كو ته‌قینا ل همبه‌ری باره‌گه‌ها وه‌زاره‌تا ناڤخوه یا تركیێ ئه‌نجام دایی ئاشكه‌ره كر و گۆت كو ئارمانج ژ وێ چالاكیێ هشیاركرن بوو.
رێخستنا په‌كه‌كێ ئیرۆ رۆژا سێشه‌می 3/10/2023 ناسنامه‌یا ئه‌نجامده‌رێن ته‌قینا كو دو رۆژان به‌رێ ل همبه‌ری باره‌گه‌ها وه‌زاره‌تا ناڤخوه یا تركیێ پێكهاتی ئاشكه‌ره كر و راگهاند كو ئه‌و چالاكی ژ هێلا چه‌كدارێن وان یێن ب ناڤێ ئۆزكان شاهین ب ناڤێ كۆد رۆژهات زیلان و حه‌سه‌ن ئۆگۆز ب ناڤێ كۆد ئه‌ردال شاهین ڤه هاتبوو كرن.
رۆژا یه‌كشه‌می 1/10/2023 ل دانێ سبێ ته‌قینه‌ك ل نێزی باره‌گه‌ها وه‌زاره‌تا ناڤخوه یا تركیێ پێكهات، پشتره په‌كه‌كێ به‌رپرسیارییا ته‌قینێ هلدا سه‌رێ خوه، د ڤێ ته‌قینێ ده دو چه‌كدارێن په‌كه‌كێ هاتنه كوشتن و دو ئه‌فسه‌رێن پۆلیسان بریندار بوون.
په‌كه‌كێ ئاشكه‌ره كر كو ئه‌ڤ چالاكی ژ بۆی هشیاركرنێ بوو و گهیشت ئارمانجێ و هه‌ر وها دبێژه تركیه هه‌ژمارا وه‌نداهییان ڤه‌شارتی یه.
