درۆنەکا ترکیێ خالەکا لەشکەری یا ھەسەدێ بۆمبەباران کر

 درۆنەکا ئارتێشا ترکیەیێ خالەکا لەشکەری یا ھێزێن سووریەیا دەمۆکراتیک (ھەسەدێ) ل گوندەوارێ حەسەکێ کرە ئارمانج.

رەوانگەھا سووری یا مافێن مرۆڤان (SOHR) ئیرۆ چارشەملاێ راگھاند، درۆنەکا ترکیەیێ خالەکش لەشکەری یا هەسەدێ ل باژارۆکێ سەفیا ل گوندەوارێ حەسەکێ کر ئارمانج.

ئاماژە ب وێ کر، جھێ ھاتیە بۆمبەبارانکرن، کارگەھەکا چێکرنا قەرمیدان بوو و نھا ژ ئالیێ ھەسەدێ ڤە وەکە بارەگەھەکە لەشکەری تێ بکارئانین.

ژ ئالیێ خوە ڤە، مەدیایا سەر ب رێڤەبەریا خوەسەر بەلاڤ کر، درۆنەکا ترکییێ 3 جاران کارگەھا قەرمیدان یا ل باژارۆکێ سەفیایێ بۆمبەباران کر و د ئەنجامێ دە 2 کەس بریندار بوون.

دا زانین ژی، ژ بەر کو ئەو درۆن ل ئاسمانێ دەڤەرێ دگەرە، ئامبولانس نکارن خوە بگھینن برینداران و وان ڤەگوھێزن.