سەرۆککۆمارێ ترکیەیێ رەجەب تەییب ئەردۆگان پەیوەندیەکا تلەفۆنی لگەل سەرۆککۆمارێ ئیسرائیلێ ئیسحاق ھیرزۆگ ئەنجامدا و دانووستاندن ل سەر روودانێن ئیسرائیلێ و فلستینێ و داوی پێشھاتێن دەڤەرا وان کرن.
ل گۆر زانیارێن ئاژانسا ئانادۆلێ یا ترکیەیی، ژ بەر ئێریشا ھەرەمەکی یا ئیسرائیلێ بۆ ناڤ ئاخا فلستینێ، سەرۆککۆمارێ ترکیەیێ رەجەب تەییب ئەردۆگان ھایداری دایە سەرۆککۆمارێ ئیسرائیلێ.
د وێ پەیوەندیا تلەفۆنی دە، ھیرزۆگ بەحسا وێ یەکێ کر کو ترکیە بزاڤێن خوە ژ بۆ بداوی ئانینا شەری و پەیداکرنا ئاشتیا دۆمدرێژ زێدە دکە.
دەمژمێر 6:00 سەرێ سبەھا رۆژا شەمبیێ (7ێ جۆتمەھا 2023)، بالێ سەربازی یێ بزاڤا حەماسێ ب ھەڤپاری لگەل سەرایا قودسێ ئۆپەراسیۆنا “تۆفانا ئەقسایێ” بۆ سەر ئیسرائیلێ دەست پێ کر. تەلەڤیڤێ ژی سۆز دا کو ب ھێز بەرسڤێ بدە.
ل گۆر زانیاریان ھژمارا کوشتیێن ئێریشا بالێ سەربازی یێ بزاڤا حەماسێ بۆ سەر دەڤەرێن جودا جودایێن ئیسرائیلێ، ژ 800 کەسان بۆری.
وەزارەتا ساخلەمیێ یا فلستینێ ژی ئیرۆ رۆژا دوشەمبێ بەلاڤ کریە، ھژمارا کوشتیێن ئێریشا ئیسرائیلێ بۆ سەر کەرتێ غەززەیێ گەھشتیە 2900 کەسان.
