یەکیتیا ئەورۆپایێ ل سەر هاریکاریان ژ بۆ کەرتێ غەززەیێ راگەھاند، چ پێنگاڤان ژ بۆ راوەستاندنا هاریکاریان ژ بۆ کەرتێ غەززەیێ ناھاڤێژن، د دەمەکێ دە پێشتر راگەھاندبوو کو دێ هاریکاریێن خوە ژ بۆ کەرتێ غەززەیێ راوەستینن.
د راگەھاندنەکێ دە، کۆمسیۆنا یەکیتیا ئەورۆپایێ بەلاڤ کریە، نھا چ پێنگاڤەکێ ژ بۆ راوەستاندنا هاریکاریێن مرۆڤی و لۆژستی ژ بۆ کەرتێ غەززەیێ راناوەستینن و شاندنا هاریکاریان دێ بەردەوام بە.
د وێ راگەھاندنێ دە یەکیتیا ئەورۆپایێ ئاماژە ب وێ یەکێ ژی دایە، ئەو ژ بۆ کەرتێ غەززەیێ مەزنترین دابینکەرێن هاریکارن و بھایێ وان هاریکاریێن ئەو ژ بۆ وی باژاری دشینن 691 ملیۆن دۆلارە.
ئەڤە د دەمەکێ دە یە کو رۆژا شەمبیا بۆری، کۆمسیارێ کۆمسیۆنا یەکیتیا ئەورۆپایێ ئۆلیڤەر ڤارھەلی ئاماژە ب وێ یەکێ دابوو کو یەکیتیا ئەورۆپایێ بریار دایە تەڤایا هاریکاریێن مرۆڤی و دارایی ژ بۆ کەرتێ غەززەیێ ژ بەر شەرێ حەماس-ئیسرائیلێ راوەستینە.
ئەڤ ژی ھەر د وێ دەمێ دە یە کو ئەو رەوشا مرۆڤی ژ بەر شەرێ ئیسرائیلێ و بزاڤا حەماسێ ژ 7ێ ڤێ مەھێ ڤە پەیدا بوویە. ژ بلی کوشتن و ئاوارەبوونا ھژمارەکە زێدە یا روونشتیێن کەرتێ غەززەیێ، یێن دن ژی د رەوشەکە خراب دە نە.
