کەتیبەیێن حزبولاھا ئیراقێ، کو ھێزەکا میلیشیایێن ئیراقێ یێن نێزیکی ئیرانێ نە و د لیستەیا تەرۆرا ئامەریکایێ دەیە رادگەھینە کو ئەگەر ئامەریکا دەستوەردانێ د شەرێ ئیسرائیل و حەماسێ دە بکە، ئەو ژی دێ ل ئیراق و ناڤچەیێ ئێریش بکن سەر ھێزێن ئامەریکایێ.
ئەمیندارێ گشتی یێ کەتیبەیێن حزبولاھا ئیراقێ ئەبوحوسێن حەمیداوی د داخویانیەکی دە، ئیرۆ 11/10/2023 گەف ل ئامەریکایێ خوارن و راگەھاند، ئەگەر ئامەریکا دەستوەردانێ ل شەرێ ئیسرائیلێ و حەماسێ دە بکە، ئەو ژی دێ ل ئیراق و ناڤچەیێ ئێریش بکن سەر ھێزێن ئامەریکایێ و بنکەیێن وان یێن لەشکەری بکن ئارمانج.
ئەمیندارێ گشتی یێ کەتیبەیێن حزبولاھا ئیراقێ دیار کر: “ئەم د ئامادەباشیەکا بھێز دە نە ژ بۆ کو گورزەک مەزن ل بنکەیێن ئامەریکایێ یێن ل ئیراق و ناڤچەیێ بدن و ھەموو بەرژەوەندیێن وان بکن ئارمانج.”
ھەروھا گۆت: “ئەگەر پێویست بکە، دێ پێگەھێن ئیسرائیل و ئەو ئالیێن کو پشتەڤانیێ لێ دکن ژی بکن ئارمانج.”
