ئیرۆ 11 جۆتمەھا 2023، 31 سال ل سەر شەھیدبوونا عەلی عۆمەر خەلیل، کورێ رۆژئاڤایێ کوردستانێ، کو ل سەر دەستێ پەکەکێ ھاتیە شەھیدکرن دەرباس دبن.
شەھید عەلی عومەر ل گوندێ ریحانیکێ یێ ب سەر باژارێ دێرکێ ل رۆژئاڤایێ کوردستانێ، د 1 چلەیا 1972 دە ژ داییک بوویە، خەباتەکا مەزن د بەر دۆزا کوردی دە کریە، کو تەڤلی سەرھلدانا کوردان یا د سالا 1991 دە ل باشوورێ کوردستانێ بوو، مل ب مل لگەل پێشمەرگەیێن قەھرەمان بەرەڤانی د بەر خاکا کوردستانێ دە دکر.
عەلی عومەر، دەستپێکێ تەڤلی بەرەیا کوردی بوو و د گەلەک شەران دە بەشداری کر، لگەل ھەڤالێن خوە ناڤچەیا سێمێلێ یا ب سەر باژارێ دوھۆکێ ڤە رزگار کر، و پشت را دەرباسی ئەنیێن مووسل بوو، تا کو کاریبوون خاکا کوردستانێ رزگار بکن.
سەعید عومەر برایێ وی یێ پچووکە، کو ئەو ژی تەڤلی رێزێن پێشمەرگەیان بوو، نھا ئەندامێ پۆلیتبیرۆیا پارتیا دەمۆکراتا کوردستان – سووریا و بەرپرسێ نڤیسگەھا پەیوەندیێن نشتیمانی یا پارتیا دەمۆکراتا کوردستان – سووریا پەدەکە-سێ یە.
شەھید و خەباتکارێ کورد عەلی عومەر د 11 جۆتمەھا 1992 د ئەنجاما ئێریشەکا پەکەکێ دە شەھید کەت، و ل ناڤچەیا سیمێلێ یا ب سەر باژارێ دوھۆکێ ب بەشداریا جەماوەری یا بەرفەرەھ ب خاکێ ھاتە سپارتن.
