ل باژارێ کۆبانێ یێ رۆژئاڤایێ کوردستانێ رێژەیا رەڤاندنا وەلاتیان زێدە بوویە، ھەری داوی ژی پارێزرەک ل گوندەوارێ باژێری هات رەڤاندن.
کەس و کارێن پارێزەر ئەحمەد محەمەد کەنجۆ دوھ نووچەیا وەندابوونا وی ل سەر رێیەکێ ل گەندەوارێ کۆبانێ بەلاڤ کر.
ل گۆری کەس و کارێن ئەحمەد، رۆژا دوشەمبێ 9 جۆتمەھا 2023 ئۆتۆمبێلا وی ل سەر رێیا د ناڤبەرا گوندێن دیبرک و قشلێ دە ھات دیتن، بێ کو تو زانیاری ل سەر وی ھەبن.
مالباتا کەنجۆ ب رێیا تۆرێن جڤاکی بانگا دیارکرنا چارەنڤیسا وی کر.
چالاکڤانێن باژێری ل سەر تۆرێن جڤاکی نەرزیبوونا خوە دەربارێ زێدەبوونا بوویەرێن رەڤاننا وەلاتیان دەربرین.
ھەڤدەمێ بۆمبەبارانکرنا تورکیێ ل سەر رۆژئاڤایێ کوردستانێ و زێدەبوونا بوویەرێن رەڤاندنا وەلاتیان خەلکێ کۆبانێ د رەوشەکە ھەستیار دە دژین، ل گۆری چاڤدێران بلندبوونا رێژەیا رەڤاندنێ ل کۆبانێ یەک ژ سەدەمێن دیاردەیا کۆچبەریێ ل باژێرە.