ل گۆری ئامارێن داوی، هەژمارا کوشتیێن شەرێ ناڤبەرا حەماس و ئیسرائیلێ 3 هەزار و 300 کەس دەرباس کریە کو پرانیا وان ژن و زارۆکن.
وەزارەتا تەندورستیێ یا فلستینێ ئیرۆ شەمیێ د داخویانیەکێ دە راگهاند، هەژمارا کوشتیێن بۆمبەبارانا ئیسرائیلێ ل سهر غهززهیێ گهیشتیە 1900ی.
ل گۆری وەزارەتا تەندورستیێ یا فلستینێ، د ناڤا مریان دە 614 زارۆک و 370 ژن هەنە، هەژمارا برینداران ژی گهشتیە 8 هەزاران.
د ڤێ ناڤبەرێ دە ئارتێشا ئیسرائیلی راگهاند کو هەژمارا کوشتیێن ئێریشێن حەماس و کۆمێن چەکدارێن فلستینێ گهشتیە 1400ی کو 200 لەشکەر ژی د ناڤ دە نە.
نەتەوەیێن یەکبوویی ژی گۆت کو زێدەتری 400،000 کەسان ژ غهززەیێ کۆچبەر بوونە و خەلکێن باکورێ غهززهیێ ژی کۆچبەرییا بەر ب باشوور ڤە بەردەوام دکن.
رۆژا شەمیێ 7ێ جۆتمەها 2023ان، باسکێ لەشکەرییێ تەڤگەرا فەلەستینی یا حەماسێ زێدەتر ژ 5000 مووشەکان غهززه ئاڤێتن سەر ناڤچەیێن بن کۆنترۆلا ئیسرائیلی و جهێن جهوویان. ئیسرائیل ژی ئهڤ دهما ههفتهیهكێ یه دهوام غهززهیێ بۆمبباران دكه.