سەرۆککۆمارێ بەرێ یێ ترکیێ عه‌بدوللا گول گۆت: «ئەگەر مە كاریبا د چارچۆڤەیەکە دەمۆکراتیک، مافێن بنگەهین و ئازادیان دە پرسا کورد چارەسەر كربا، دا دلسۆزییا هەموو وەلاتیێن مە ژ بۆ وەلات زێدەتر به».
عه‌بدوللا گول پێر ل باژارێ کایسەریێ یێ ترکیێ، د بەرنامەیا «چالاکیێن دامەزراندنا 100 سالیا کۆمارێ» یا زانینگەها عه‌بدوللا گول دە ئاخڤی.
عه‌بدوللا گول د ئاخاڤتنا خوە بەحسا پێڤاژۆیا دەستوورەکە نوو یا کو ژ ئالیێ سەرۆککۆمارێ ترکیەیێ رەجەپ تاییپ ئەردۆگان ڤە هاتبوو ئەشکەرەکرن، کر و پشتگریا خوە راگهاند.
گول گۆت: «دەرفەتا کو برێز سەرۆککۆمار ڤان رۆژان ئانی زمان، دڤێ ب ئاوایەکی ئەشکەرە و ب نێزیکبوونەکەنە پێشدارازی بێ نرخاندن».
گول بەحسا پرسا کورد ژی کر و وها ئاخڤی: «ئەگەر مە كاریبا د چارچۆئەڤەیەکە دەمۆکراتیک، مافێن بنگەهین و ئازادیان دە پرسا کوردا یا کو مسته‌فا کەمال پاشا سالا 1923یان د ئاخاڤتنا خوە یا ئیزمتێ دە بال کشاندبوو سەرێ چارەسەر كربا، دا دلسۆزییا هەموو وەلاتیێن مە ژ بۆ وەلات زێدەتر به و رێ ل بەر مەزنبوونا هەرێمی یا پرسگرێکێ هاتبا گرتن».
