پشتی ژناڤبرنا رێخستنا تەرۆرێ یا داعشێ ل ئیراقێ، هەژمارەک ژ چەکدارێن ڤێ رێخستنا تەرۆرێ د ناڤا خاکا ئیراقێ دە بازدا و چوون سووریێ و تەڤلی رەفێن هن رێخستن و هێزێن دن بوون، ژ وان رێخستنێن کو ئەڤ چەکد داعشێ نها د ناڤا وێ دە نە یەبەشە و هەسەدە ل رێزا یەکەمین تێن.

د دەما ئۆپۆەراسیۆنێن ل دژی داعشێ دە کو ژ سوپایێ ئیراقێ، پێشمەرگەیێن کوردستانێ و ب پالپشتیا هەڤپەیمانیا ناڤدەولەتی هاتن ئەنجامدایین، هەژمارەک ژ چەکدارێن داعشێ ژ هەرێمێن رزگار کری د ناڤا خاکا ئیراقێ دە دەرباسی سووریێ بوون و تەڤلی رەفێن هەسەدێ بوون، پشترە جارەکە دن ب ئالیکاریا پەکەکێ ڤەگەرین ئیراقێ و نها ل شەنگالێ د ناڤا هێزێن یەبەشێ یێن سەر ب پەکەکێ ڤە جی دگرن.

د ڤێ دەربارێ دە، پێگەها دارکا مازی ب پشت بەستن ب ئاگاهیێن پشتراستکری کو ژ هن چاڤکانیێن تایبەت یێن هەرێمی وەرگرتنە ناڤێن هەژمارەک ژ چەکدارێن بەرێ یێن داعشێ کو نها د ناڤا رەفێن یەبەشێ دە نە ئەشکەرە دکە.

ئەڤ ژی ناڤێن وان چەکدارێن داعشێ نە کو نها د ناڤا رەفێن یەبەشێ دە جی دگرن:

1- عادل محەمەد کلووش مەترود، ژ داییک بوویێ سالا 1997ان و ژ هۆزا راشدی یە، شێنیێ گوندێ بیر قاسم یێ سەر ب ناڤچەیا سنوونێ یە، ناڤێ داییکا وی لەیلا خەلەف عەبوو یە.

عادل محەمەد نها وەکە جێگرێ بەرپرسێ یەکینەیەکە هێزا تایبەت یا چەکدارێن یەبەشێ کار دکە، ل سالا 2016ان تەڤلی رەفێن داعشێ بووبوو، ئەرکا وی د ناڤا داعشێ دە ل قەزایا بەعاجێ بوو، د سالا 2017ان دە چوویە سووریێ و تەڤلی رەفێن هەسەدێ بوویە، پشترە د سالا 2019ان دە ژ ئالیێ پەکەکێ ڤە هاتیە ڤەگوهەستن ژ بۆی شنگالێ و نها د ناڤا رەفێن یەبەشێ دە یە.

چاڤکانیێن پێگەها دارکا مازی ئەشکەرە کرن، برایێ عادل محەمەد یێ ب ناڤێ یەحیا محەمەد ژی یەک ژ چەکدارێن یەبەشێ یە و ل بارەگایا لیوایا ماهر تەیاوی یا چەکدارێن عەرەب یێن یەبەشێ کار دکە، عادل ژ ئالیێ سازیێن ئەولەهیێ یێن ئیراقێ ڤە ب سووچا تەرۆرێ داخوازکری یە.

2- حەمید ئەرحیل سالح عەلی، چەکدارێ یەبەشێ یە، پێش نها ب برایێ خوە رە د ناڤا رەفێن داعشێ دە بوون. حەمید د سالا 1992ان دە ژ داییک بوویە، عەرەبە و ژ هۆزا بجاری یە، شێنیێ گوندێ تل حاجم یێ سەر ب قەزایا بەعاجە، نها ل گوندێ بارە یێ سەر ب ناحیا سنوونێ نیشتەجی یە، ناڤێ داییکا وی نەعیمە خەلەف عەبدە. حەمید و برایێ وی یێ ب ناڤێ محەمەد ژ ئالیێ سازیێن ئەولەهیێ یێن ئیراقێ ڤە ب سووچا ئەندامبوونا د رێخستنێن تەرۆری دە داخوازکری یە.

3- ئەحمەد عەسەل خەلەف عەبوو، ئەو د ناڤا فەوجا گولچین یا یەبەشێ دە یا ل گوندێ ئوم ئەل-زبیان یا سەر ب ناحییا گرعزێر چەکدارە، د هەمان دەم دە یەک ژ ئاندامێن گرووپا “قوریا” یە، ئەڤ گرووپ ب کارێ ڤەگوهەستنا چەکدارێن پەکەکێ و مادەیێن هشبەر و چەکی د نێڤبەرا سووریێ و ئیراقێ دە رادبە.

ئەحمەد د سالا 1998ان دە ژ داییک بوویە، عەرەبە و ژ هۆزا راشدی یە، شێنیێ گوندێ بیر قاسم یێ سەر ب ناحییا سنوونێ یە، نها ل وی گوندی ئاکنجی یە، ناڤێ داییکا وی زوینە حەلی مسندە، ئەحمەد ژ ئالیێ سازیێن ئەولەهیێ یێن ئیراقێ ڤە ب سووچا ئەندامەتیا داعشێ داخوازکری یە.

4- نایف عەدنان نایف ئیبراهیم، کۆد ناڤ عەکاف، پێش نها وەکە شۆفێرێ تایبەت یێ سەعد بەدەل یێ بەرنیاس ب پیر چەکۆ فەرماندارێ فەوجا 80 یا حەشدا شەعبی کار دکر، د بوویەرەکا نەدیار دە فەرماندارێ خوە یێ ب ناڤێ پیر چەکۆ دکوژە، پشترە تەڤلی هیزێن تایبەت یێن یەبەشێ دبە، نایف و برایێ خوە یێ ب ناڤێ عیماد چەکدارێن داعشێ بوون، نایف د ناڤا رەفێن داعشێ دە ب “ئەبو سەدیق” دهات بناڤکرن، ئەرکا وی د ناڤا فرقەیا نەهاوەند یا داعشێ دە بوو، ناڤێ وی د لیستا مووچەیێن چەکدارێن داعشێ دە هەژمار 1190017598 بوو.

د سالا 2000ان دە ژ داییک بوویە، عەرەبە و ژ هۆزا ئەل-لهێبی یە، شێنیێ ناحیا گوێر یا سەر ب قەزایا مەخموورێ یە، نها ل گوندێ بارە یێ سەر ب ناحییا سنوونێ نیشتەجی یە، برایێ نایف یێ ب ناڤێ عیماد ب کۆد ناڤێ قەندیل چەکدارێ هەسەدێ بوو ل پارێزگەها حەسەکێ، ئەو ژی پێش نها یەک ژ چەکدارێن داعشێ بوو، د ناڤا داعشێ دە ب “ئەبو مالک” دهات ناسکرن.

نایف و برایێ خوە هەر دو ژ ئالیێ سازیێن ئەولەهیێ یێن ئیراقێ ڤە ب سووچا ئەندامەتیا د ناڤا رێخستنا داعشێ دە داخوازکری نە.

5- محەمەد مسلح عەبد شەحاز، پێش نها چەکدارێ داعشێ بوو و نها ژی د ناڤا هێزا تایبەت یا یەبەشێ جی دگرە، د سالا 1997ان ژ داییک بوویە، عەرەبە و ژ هۆزا دلێمی یە، شێنیێ گوندێ ئوم ئەل-زیبان یێ سەر ب ناحییا گرعزێرێ یە، ناڤێ داییکا وی نەفلە عەلی محەمەدە، ئەو نها ب پێناسا کورێ ئاپێ خوە یێ ب ناڤێ مەهدی عید عەبد شەحاز کو ژ داییک بوویێ سالا 2000انە و نها جانێ خوە ژ دەست دایە تەڤ دگەرە، ژ ئالیێ سازیێن ئەولەهیێ یێن ئیراقێ ب سووچا ئەندامەتیا د ناڤا رەفێن رێخستنا داعشێ دە داخوازکری یە.

6- ماهر تاها حەسەن عەلی، د سالا 1991ان دە ژ داییک بوویە، ژ هۆزا راشدی یە، شێنیێ گوندێ بیر قاسم یێ سەر ب ناحییا سنوونێ یە، ناڤێ داییکا وی نەشمیە مەنووخ کەلیبە، نها یەک ژ چەکدارێن هێزا تایبەت یا یەبەشێ یە، ژ ئالیێ سازیێن ئەولەهیێ یێن ئیراقێ ب سووچا ئەندامەتیا د ناڤا رەفێن رێخستنا داعشێ دە داخوازکری یە.

7- سوهێل محەمەد خەلەف عەبو، د سالا 1997ان دە ژ داییک بوویە، ژ هۆزا راشدی یە، شێنیێ گوندێ بیر قاسم یێ سەر ب ناحییا سنوونێ یە، ناڤێ داییکا وی فەهیمە محەمەد هیلالە، نها چەکدارە د ناڤا هێزا تایبەت یا یەبەشێ دە، پێش نها ب برایێ خوە رە یێ ب ناڤێ سەیف د ناڤا رەفێن داعشێ دە چەکدار بوون.
ل گۆر ئاگاهیان، برایێ وی ژی ئەندامێ گرووپا “قوریا” بوو، د سالا 2021ان دە د شەرێ ل دژی پاسەوانێن سینۆری یێن ئیراقێ دە هاتیە کوشتن و ژ ئالیێ پەکەکێ ڤە جەنازەیێ وی ژ بۆی رۆژئاڤا هاتیە ڤەگوهەستن.
سوهێل ژ ئالیێ سازیێن ئەولەهیێ یێن ئیراقێ ب سووچا ئەندامەتیا د ناڤا رەفێن رێخستنا داعشێ دە داخوازکری یە.

8- عەبدولرەحمان عەزاب عەمد جەرجب، بەرنیاس ب فەرهاد بەجاری، بەرپرسێ فەوجا گولچین یا چەکدارێن یەبەشێ یا ل گوندێ ئوم ئەل-زبیان یێ سەر ب ناحییا گرعزێرێ یە، پاش کو د سالا 2022ان دە بەشداری د شەرێ ل دژی سوپایێ ئیراقێ دە کری هات ڤەگوهەستن ژ بۆی بارەگەهێ لیوایا ماهر تەیاوی یا چەکدارێن عەرەب یێن یەبەشێ، ئەو پێش نها ل قەزایا بەعاجێ یەک ژ ئەندامێن رێخستنا داعشێ بوو.
د سالا 1997ان دە ژ داییک بوویە، عەرەبە و ژ هۆزا بەجاری یە، شێنیێ گوندێ تل حاچم یێ سەر ب قەزایا بەعاجێ یە، ناڤێ داییکا وی خەمیسە فەتحی ئەسیلە، ژ ئالیێ سازیێن ئەولەهیێ یێن ئیراقێ ب سووچا ئەندامەتیا د ناڤا رەفێن رێخستنا داعشێ دە داخوازکری یە.

9- شەعلان زەیدان خەلەف دوخی، کۆد ناڤ گەرەگول، بەرپرسیارێ ئیداری یێ فەوجا تێکۆشەر یا چەکدارێن یەبەشێ یە، د سالا 1993ان دە ژ داییک بوویە، عەرەبە و ژ هۆزا بەجاری یە، شێنیێ گوندێ تل حاچم یێ سەر ب قەزایا بەعاجێ یە، ناڤێ داییکا وی تەمام مەنادر دوخی یە.

شەعلان ژ ئالیێ سازیێن ئەولەهیێ یێن ئیراقێ ب سووچا ئەندامەتیا د ناڤا رەفێن رێخستنا داعشێ دە داخوازکری یە.

10- جاسم محەمەد ئەحمەد عەلی، کۆد ناڤ بولوت، چەکدارە د فەوجا تێکۆشەر یا چەکدارێن یەبەشێ دە، پێش نها یەک ژ چەکدارێن داعشێ بوو. عەرەبە و ژ هۆزا شەرابی یە، خەلکێ گوندێ بیرجاری یێ سەر ب ناحیا سنوونێ یە.

11- مەسعەب عادل جاسم محەمەد، بەرپرسێ سازییا “جوانێن شۆرەشگەر” یێن عەرەب یا سەر ب پەکەکێ یە، پێش نها چەکدارێ داعشێ بوو، د سالا 1994ان دە ژ داییک بوویە، عەرەبە و ژ هۆزا شەرابی یە، شێنیێ گوندێ بیر جاری یە، ناڤێ داییکا وی غەزالە فەرحان سالحە.

12- سەلاح محەمەد کەزوب سالح، چەکدارێ یەبەشێ یە، باڤێ وی سەرۆکێ جڤاتا گەل یا گوندێ بیرجاری یە کو ئەڤ جڤات پەکەکێ دامەزراندیە، ژ هۆزا شەرابی یە، شێنیێ گوندێ بیر جاری یە، ناڤێ داییکا وی سولتانە سەباح عەلی یە، برایێ وی یێ ب ناڤێ هادی کو ژ داییک بوویێ سالا 1991انە ژی یەک ژ ئەندامێن جڤاتا گوندێ بیرجاری یە و د هەمان دەم دە ئەندامێ نڤێسینگەها بابلیۆن یا ل گوندێ زکو یێ سەر ب ناحیا سنوونێ یە.

13- سەکر خزیر سالح گتب، یەک ژ چەکدارێن بەرێ یێن داعشێ و چەکدارێ نها یێ یەبەشێ یە، باڤێ وی جێهگرێ سەرۆکێ جڤاتا گەل یا گوندێ بیر جاری یە، ژ هۆزا شەرابی یە، ناڤێ داییکا وی فتومە برهو خەلەفە، برایێ وی یێ ب ناڤێ جیهاد یەک ژ ئەندامێن سازیا جوانێن شۆرەشگەر یێن عەرەبە کو راستە راست ژ ئالیێ پەکەکێ ڤە تێ برێڤەبرن.

14- عەلا حوسێن غالب گەتیب، یەک ژ چەکدارێن بەرێ یێن داعشێ و چەکدارێ نها یێ یەبەشێ یە.

15- ماجد عەتیە عەلی عاید، یەک ژ چەکدارێن بەرێ یێن داعشێ و چەکدارێ نها یێ یەبەشێ یە، ئەرکا وی یا سەرەکە کۆلانا تونەلایە، د سالا 1998ان دە ژ داییک بوویە، ژ هۆزا راشدی یە، ناڤێ داییکا وی نەزیلە محەمەد مەجلی یە، شێنیێ گوندێ بیر قاسم یێ سەر ب ناحییا سنوونێ یە.