وەزیرێ دەرڤە یێ ئامەریکایێ د جڤینەکە چاپەمەنیێ دە راگەھاند، سەرۆکێ ئامەریکایێ دێ سەردانا ئیسرائیلێ بکە.
وەزیرێ دەرڤە یێ ئامەریکایێ ئانتۆنی بلنکن د جڤینەکە چاپەنیێ دە ل تەل ئەڤیڤێ راگەھاند: ‘”رۆژا 18/10/2023 سەرۆکێ ئامەریکایێ جۆ بایدن دێ سەردانا ئیسرائیلێ بکە.”
ھەروەھا دیار کر: ‘”سەرۆکێ ئامەریکایێ د دەمەکی گرنگ دە سەردانا ئیسرائیل و تەل ئەڤیڤێ دکە کو پەیامەکە گرنگە ژ بۆ ھەرێمێ و جیھانێ و واشنگتۆن ل ھەمبەر گەفخوارنێن حەماسێ پەیاما ھەڤبەش یا ل گەل ئیسرائیلێ تەکەز دکە.
وەزیرێ دەرڤە یێ ئامەریکایێ دیار کر: ‘”بایدن پەیاما خوە ژ بۆ ئالیێن سێیەم تەکەز دکە کو دبە ژ رەوشێ سوود وەرگرن و ئێریش بکن سەر ئیسرائیلێ و دبێژە کو نابە وی کاری بکن.”
ئیرۆ 17/10/2023 کو 10 رۆژ ل سەر دەستپێکرنا شەرێ چەکدارێن تەڤگەرا حەماس و ئیسرائیلێ دەرباس دبن و ژ بەر وی شەری ب ھەزاران کەس ل ھەردو ئالیان ھاتیە کوشتن و سەدان ھەزار کەس ژی ناچار بوونە مال و حالێن خوە بجیھ بھێلن و کۆچبەر ببن.
