ئامه‌ریكا رادگەهینە کو دێ دو هەزار سەربازان بشینە رۆژهەلاتا ناڤین، هەروەسا دێ دەما مانا کەشتیا بالافرهەلگر ژی ل دەڤەرێ درێژ بکە.
وەزارەتا بەرگریێ یا ئامه‌ریكایێ راگەهاند، وەزیرێ بەرگریێ یێ ئامه‌ریكایێ، لوید ئاوستن، فەرمان دایە کو ئامادەکاری ژ بۆ شاندنا دو هەزار سەربازێن ئامه‌ریكایی بێن کرن ژ بۆ بەرسڤدانا گرژیێن رۆژهەلاتا ناڤین.
ئاماژە دا وێ یەکێ ژی کو ئاوستن ل سەر درێژکرنا دەما مانا کەشتیا بالافرهەلگر گەرال فۆردێ ل دەڤەرێ رازی بوویە، د دەمەکێ دە کو بداویهاتنا دەما کارکرنێ یا وێ کەشتیێ ل دەڤەرێ نێزیک بوویە.
رۆژنامەیا وال ستریت جۆرنال ژی ل رۆژا دوشەمێ ژ زارێ بەرپرسێن بەرگریێ یێن ئامه‌ریكایێ بەلاڤ کریە، «ئیمکانا شاندنا دو هەزار سەربازێن ئامه‌ریكایی ژ بۆ پشتەڤانیکرنا ئسرائیلێ هەیە».
