چەکدارێن خوەجهی ب چەکێن RPG ئێرشی دبستانەکێ و جهەکی نێزیکی وێ ل دێرازوورێ کرن کو ئەندامێن هێزێن سووریا دەمۆکراتیک هه‌سه‌دێ تێ دەنە.
روانگه‌ها سووری یا مافێن مرۆڤان ئیرۆ رۆژا چارشه‌می 18\10\2023ان به‌لاڤ كر كو ل باژارۆکێ ئەبوو هەمام ل گوندەوارێ رۆژهلاتێ دێرا زۆرێ، چه‌كدارێن خوه‌جهی ب چه‌كێن گران و سڤك ئێریشی دبستانه‌كێ و باره‌گه‌هه‌كێ هه‌سه‌دێ كرن، شەر و پەڤچوونێن د ناڤبەرا هەر دو ئالیان دە ده‌ركه‌تن، بێ کو ئاگاهی دەربارێ زیانێن مرۆڤی بێن وەرگرتن.
رەوانگەها سووری دیار کر، د 15ێ جۆتمەهێ دە ژی و هه‌ر ل دێرازوورێ چەکدارێن خوەجهی ب تەقاندنا فیشەکان ناڤەندەکە لەشکەری یا هه‌سه‌دێ ل نێزیکی پرا ئەل-مەیادین ل باژارۆکێ دبانێ، ژ بلی ستاسیۆنا ئاڤێ ل باژارۆکێ ئەل-هەواج، ل رۆژهلات، کرن ئارمانج.
ژ ئالیەکی دن ڤە، هه‌سه‌دێ ژ چەپەرێن خوە یێن ل باژارۆکێ هەویجێ، ب تۆپێن هاونێ هنه‌ك چه‌په‌رێن هێزێن ره‌ژیمێ و ملیسێن وان ل رۆژئاڤایێ فه‌راتێ بۆمبەباران کرن.
