کۆنسولخانەیا ئامەریکایێ ل ئەدەنەیێ کارێن خوە ب ئاوایەکی دەمکی رادوەستینە و هشیاریێ ددە دیپلۆماتکارێن خوە.
کۆنسولخانەیا ئامەریکایێ ل ئەدەنەیێ د داخویانیەکێ دە راگهاند، هەموو کارێن کۆنسولخانەیێ ب ئاوایەکی دەمکی هاتنە راوەستاندن و دڤێ هەموو وەلاتیێن ئامەریکایێ یێن ل وی وەلاتینە ژی سەردانێن خوە پاشدە بخن.
هەروها بالیۆزخانەیا ئامەریکایێ ژ هەموو دیپلۆماتکاران رە گۆتیە کو تەڤگەرا خوە یا ل باشوورێ رۆژهلاتێ ترکیەیێ کێم بکن.
د داخویانیێ دە هات گۆتن، «تێ پێشبینیکرن، د هەفتەیێن پێش دە خوەپێشاندانێن مەزنێن تێکلداری بوویەرێن ل ئیسرائیل و غەززەیێ ل سەرانسەرێ ترکیەیێ چێببن. هەر کۆمبوونەک، تەڤی کو ب مەبەستا ئاشتیانە بە ژی، دبە کو مەزن ببە و توندی تێ دە روو بدن».
ئەڤ بریار پشتی وێ تێ، دوهی ئێڤارێ مەشەکە نەرازیبوونێ ل دژی رەوشا ل غەززەیێ هاتبوو کرن و خوەنیشاندەران ئێریشی ل سەر ئاڤاهیێ بالیۆزخانەیێ کربوون.
ئەڤ یەک د دەمەکێ دەیە، دوهی سەرۆکێ ئامەریکایێ جۆ بایدن سەردانا ئیسرائیلێ کر و پشتگریا خوە یا تام بۆ وی وەلاتی دوبارە کر.
ل گۆری مەدیایا ترکیێ، ژ بەر خوەپێشاندانێن ل دژی ئیسرائیلێ، تێ پێشبینیکرن کو هەژمارا خوەپێشاندانان ل بەر نوونەرتیێن دیپلۆماسییێن ئیسرائیل و ئامەریکایێ زێدەتر ببن.