پشتی ئۆپەراسیۆنا لەشکەری یا تورکیێ رۆژا چارێ جۆتمەھێ ل سەر دەھان ژێرخانەیان ل رۆژئاڤایێ کوردستانێ، دروستبوونا کریزان ژ تەڤایا بوارێن ژیانێ دەست پێ کر ب تایبەتی سووتەمەنییا کو باندۆرا خوە یا راستە راست ل سەر تەڤایا سکتەرێن ژیانی دکە.
ژێدەرێن خوەجھی ژ باژارێ کۆبانێ یێ رۆژئاڤایێ کوردستانێ راگھاندن کو باژاری کۆبانێ راستی کریزەکا سوتەمەنیێ یا دژوار ھاتیە ب تایبەتی بانزین کو ئیدی نەما پەیدا دبە.
ژێدەران تەکەز کر و گۆت کو ژ بەر نەبوونا بانزینێ ل باژێری ئاژۆکار نەچار دبن ب دەمژمێرێن دوور و درێژ ل سەر سرایێن درێژ راوەستن ژ بۆ وەرگرتنا پارا خوە ژ بەنزینێ د رێیا کەرتا ئەلکترۆنی ژ وێستگەھێن سووتەمەنیێ .
ھەمان ژێدەرا خوەجھی تەکەز کر کو ئاژۆکار ل باژاری کۆبانێ نەچار دبن ژی ل سەر کرینا بانزینا ل بازرگانی ب نرخێ 4600 لیرەیێن سووری ب زێدەبوونا کو دگهیژە بێھتر ژ 200 % ژ نرخێ بانزینا کو رێڤەبەریا پەیەدێ دەستنیشان کریە.
رۆژا 17 ئێلوونا 2023 رێڤەبەریا پەیەدێ نرخێ بانزینا کو ژ ئالیێ وێ ڤە تێ دابەشکرن ژ 525 لیرەیان بۆ 2100 لیرەیان بلند کر، و بانزینا ل بازارێ تێ فرۆتن پەیەدێ نرخێ وێ ژ 1700 لیرەیان بلند کر بۆ 4600 لیرەیێن سووری.
ئەڤ کریزا سووتەمەنیێ د دمەکی دە یە کو خەلکێ باژارێ کۆبانێ یێ رۆژئاڤایێ کوردستانێ راستی کریزا ئاڤێ و گازێ ژی هاتنە، و پەیەدێ ژی چ چارەسەری ژ بۆی ڤێ رەوشێ د دەست دە نینە.
