رێڤه‌به‌رییا خوه‌سه‌ر یا رۆژئاڤا كوردستانێ كو په‌یه‌ده سەرپەرەشتیا وێ دکە، ناسنامەیا وێ بەرپرسا پەکەکێ ئاشکەرا کر کو ژ بەر تەقینا رۆژا 22 ڤێ مەھێ ل باژارێ قامشلۆ ھاتبوو کوشتن.
رێڤه‌به‌رییا خوه‌سه‌ر د داخویانیه‌كێ ده كو ئیرۆ رۆژا سێشه‌می 24/10/2023 دایه راگەھاند، د ته‌قینا ترومبێلا بۆمبه‌كری یا 22 ڤێ مه‌هێ ده ل قامشلۆیێ، ره‌مزیه ئالتۆگ یا ته‌مه‌ن 36 سال كو خەلکێ باکورێ کوردستانێ یه ژیانا خوە ژ دەست دایە و کەسەکی دن ژی بریندار بوویە.
ل گۆر زانیارییان بەرپرسه‌كێ دن یێ پەکەکێ ژی ھەر ژ بەر وێ تەقینێ هاتییە كوشتن، لێ ھەتا نھا ناسنامەیا وی نەھاتیە ئاشکەره کرن.
ئەو ترومبێلا بۆمبەکری یا کو تەقیا بوو، ژ جورێ Jeep بوویە و یا ھێزێن سووریا دەمۆکراتیک بوو کو ل تاخا کۆرنیش یا قامشلۆ تەقیا بوو.
