هه‌ر كو دچه ته‌وانێن رێخستنا په‌كه‌كێ و باسكێن وێ یێن د راستا گه‌لێ ئێزدی دا پێتر ئاشكه‌ره دبن، هه‌ری داوی په‌كه‌كێ 4 جوانێن ئێزدی كو ژ شه‌نگالێ ره‌ڤاندبوون ب ئاوایه‌كی هۆڤ قه‌تل كرن.
چاڤكانیێن داركا مازی ئاشكه‌ره كرن، ئاساییشا ئێزیدخانێ یا سه‌ر ب په‌كه‌كێ ڤه ل رۆژا 19/11/2022ان 4 جوانێن ئێزدی ژ شه‌نگالێ ره‌ڤاندن و پاش ده‌رباسبوونا 10 مه‌هان ب ئاوایه‌كی هۆڤ ل سه‌ر ده‌ره‌و و توهمه‌تا ئاژانییا ژ بۆی تركیێ و په‌ده‌كێ ئه‌و قه‌تل كرن.
ناڤێن وان ووسایه:
سه‌عه‌د جاسم مراد قاسم.
سه‌لاح برجس سلێمان.
فه‌یسه‌ل جونو قاسم.
ئه‌حمه‌د نه‌سره‌ددین قاسم.
چاڤكانیێن داركا مازی ده‌ستنیشان كرن، پاش ده‌رباسبوونا 10 مه‌هان ل سه‌ر ره‌ڤاندنا ڤان 4 جوانێن ئێزدی یێن بێ گونه‌هـ، ل رۆژا 26/9/2023ان، وێنه‌یێن وان ل باژارۆكێ قه‌حتانیێ یێ گرێدای قه‌زایا به‌عاجێ يا سه‌ر ب پارێزگه‌هییا نه‌ینه‌وایێ ڤه هاتن دیتن كو هاتبوون هه‌لاویستن و ل سه‌ر هاتبوو نڤیساندن: «یێ كو خیانه‌ت كر، داوییا وی مرنه».
چاڤكانیێن داركا مازی هه‌روها دیار كرنه كو ژ ترسا تۆلهلدانا په‌كه‌كێ و ئاساییشا ئێزیدخانێ، مالباتێن وان 4 جوانێن ئێزدی سكالا ل جه‌م پۆلیسان نه‌كرنه.
