ئیسرائیلی ئێریشی ده‌رعا كر گه‌له‌ك له‌شكه‌رێن سووری كوشتن و بریندار كرن

مەدیایا فەرمی یا حکوومەتا سووریێ راگهاند کو ئارتێشا ئیسرائیلێ، ل ده‌رعایێ ئێرشی هێزێن وان کریە.

ل گۆری داخویانیێ، ئێرش شەڤا بۆری ساعەت 01:45ان پێک هاتیە.

د ڤێ ئێرشا ئەسمانی یا ل ده‌رعایێ دە 8 لەشکەرێن ئارتێشا سووریەیێ هاتنە کوشتن و 7 لەشکەر ژی بریندار بوونە.

ڤێ ئێریشێ هەروها زیانێن مادی ژی گهاندنە پارێزگەها ده‌رعایێ.

ل ئالیێ دن، ئیسرائیلێ ڤێ مەهێ 3 جاران بالافرگەهێن شام و حەلەبێ بۆمبەباران کرن.

د ڤان بۆمبەبارانان ده‌ ل بالافرگەهان زیانێن مادی چێبوون.

رەوانگەها سووریەیێ یا مافێن مرۆڤان (سۆهر) ژی راگهاند کو د ڤێ ئێرشێ دە 11 لەشکەر هاتنە کوشتن، 10 لەشکەر ژی بریندار بوونە.

سۆهرێ دەستنیشان کر کو 4 ژ لەشکەرێن کوشتی فەرماندار بوونە.