گرووپێن چەکدارێن ئۆپۆزیسیۆنا سووریەیێ یێن لگەل ئارتێشا ترکیەیێ ھەرێما عەفرینێ داگیر کرنە، 2 وەلاتیێن کورد رەڤاندن.
رێخستنا مافێن مرۆڤان ل عەفرینێ د راپۆرەکێ دە بەلاڤ کر، چەکدارێن گرووپا “پۆلیسێن لەشکەری” رۆژا 23 جۆتمەھێ وەلاتیێ ب ناڤێ فارس محەمەد رەشید یێ ژ باژارێ عەفرینێ رەڤاند و ھەتا نھا چارەنڤیسا وی نە دیارە.
رێخستنا مافێن مرۆڤان دا زانین ژی، چەکدارێن گرووپا “پۆلیسێن لەشکەری” رۆژا 21 جۆتمەھێ خۆرتێ ب ناڤێ شیار رەشید ژ مالا وی یا تاخێ مەحموودیێ یێ عەفرینێ رەڤاند و چارەنڤیسا وی ژی ھەتا نھا نە دیارە.
ھەرێما عەفرینێ ژ ئادارا 2018 ڤە ژ ئالیێ ئارتێشا ترکیێ و گرۆپێن چەکدارێن سەر ب وێ ڤە ھاتیە داگیرکرن و ھەتا نھا دۆرا 9 ھەزار کەسان ھاتنە رەڤاندن کو چارەنڤیسا ھەژمارەکا مەزن ژ وان نایێ زانین.
