دو بارەگەهێن هێزێن هەڤپەیمانیا ناڤدەولەتی یا ل دژی داعشێ ل هەسەکێ و دێرازۆر راستی ئێریشان هاتن.
ل گۆری ئاژانسا «سکای نیۆز» شەڤا بۆری دەنگێ تەقینان ل بارەگەهێن خربت ئەل-جیر ل حەسەکێ و بارەگەها ل کێلگەها پەترۆلێ یا ئەل-عومەر هاتن بهیستن.
هەتا نها نایێ زانین، ئەو ئێریش ب رییا مووشەکان یان ب درۆنێن بۆمبەکری هاتنە کرن، ژ بەر کو درۆنێن چاڤدێریێ ل ئاسمانێ هەرێمێ دگەرن.
ل گۆری زانیاریێن ژی، د ئەنجاما ئێریشان دە ت زیانێن جانی و چێنەبوونە.
بارەگەها خراب ئەل-جیر، فرۆکەخانەیەکا کەڤن یا چاندنیێ یە، ئارتێشا ئامەریکایێ د سالا 2014ان دە، ئەو ڤەگوهەراند بارەگەهەکێ داکەتنا هەلیکۆپتەران.
کێلگەها ئەل-عومەر ژی، مەزنترین کێلگەها پەترۆلێ ل سووریێ یە و ژ سالا 2017ان ڤە د دەستێ هه‌سه‌دێ و هەڤپەیمانیا ناڤدەولەتی دە یە.
د چەند رۆژێن بۆری دە، پشتی شەرێ د ناڤبەرا ئیسرائیل و حەماسێ دە، ئێریشێن ل سەر بارەگەهێن لەشکەری یێن ئامەریکایێ ل سووریێ و ئیراقێ زێدە بوونە.
وەزارەتا بەرەڤانیێ یا ئامەریکایێ (پەنتاگۆن) پێشتر راگهاندبوو، ژ بەر ئێرشێن ڤێ داویێ یێن ل سەر هێزێن ئامەریکایێ، ئەوێ سیستەما بەرەڤانیا ئاسمانی بشینە رۆژهلاتا ناڤین.
