میتێ بەرپرسێ بازرگانیا ماددهیێن هشبهر یێ پهكهكێ كوشت
بهرپرسێ بازرگانیا مادهیێن هشبهر یێ پارتیا كاركهران یێ ب ناڤێ یادین بولوت د ئۆپهراسیۆنهكه میتێ ده ل باشوورێ كوردستانێ هات كوشتن.
ئاژانسا ئهنادۆلو یا دهولهتا ترك دوهـ رۆژا ئینی 10/11/2023ان بهلاڤ كر میتێ د ئۆپهراسیۆنهكێ ده «یادین بولوت» بەرپرسێ بازرگانیا ماددهیێن هشبهر و چالاكیێن قانوونیکرنا پەرەیێ دەرەقانوونی یێ پارتیا كاركهران د ئۆپهراسیۆنهكێ ده كوشتیه.
یادین بولوت ب كۆد ناڤێ رزگار سوار تێ ناس كرن، دهولهتا ترك تهنێ گۆتیه ئهو د ئۆپهراسیۆنهكێ ده ل باكورێ ئیراقێ هاتیه كوشتن و جیهێ ئۆپهراسیۆنێ ئیفشا نهكری یه.
بازرگانیا هشبهرێ ب ژێدهرا سهرهكه یا پهرهیێن پهكهكێ تێ حهساب كرن.
ناڤهندا ئهورۆپی یا ل دووڤچوونا مهلهفا ماددهیێن هشبهر و هیبوونا هشبهرێ كو ب «EMCDDA» تێ ناس كرن، د راپورهكێ ده كو ل گهل سازییا پۆلیسێن ئهورۆپایێ یۆرۆپۆلێ ئامادهكریه تێده، پارتییا كاركهرێن كوردستانێ پهكهكێ ب بازرگانیا ههری بهرفرهـ یا ماددهیێن هشبهرێ ل ئهورۆپایێ سووچبار كریه.
ناڤهندا «EMCDDA» ئهشكهره كریه، پارتیا كاركهرێن كوردستانێ ب ملیارێن دۆلاران ژ بازرگانیا هشبهرێ و ڤهگوهاستنا وێ ل ناڤبهرا ولاتێن ئهورۆپایێ ژ سالا 2012ێ ههیا سالا 2019ێ ب دهست خستنه.
