ئه‌مه‌ریكایێ ژ بۆ وەلاتیێن خوە یێن کو ل ترکیێ دژین هشیاریەک بەلاڤ کر.
بالیۆزخانەیا ئەنقەرە یا ئه‌مه‌ریكایێ رۆژا ئینێ ژ بۆ وەلاتیێن ئه‌مه‌ریكی یێن کو ل ترکیێ دژین هشیاریەکە ئەولەهیێ بەلاڤ کر.
ئەڤ دەمەکە ژ بەر ئێرشێن ئیسرائیلێ یێن سەر غەزەیێ ل ترکیە و هەژمارەک پارێزگەهێن باکورێ کوردستانێ بایکوت ل دژی ئیسرائیلێ و چەند مارکایێن ئه‌مه‌ریكایێ تێن راگهاندن.
هەروها هەژمارەک کەس ئێرشی جهێن بەشەک ژ وان مارکایان دکن.
بالیۆزخانەیا ئه‌مه‌ریكایێ ئاماژە ب وان ئێرش و بانگەوازیێن بایکوتان دا و گۆت:
«دبە کو خوەپێشاندانێن ئارمانجا وان ئاشتیانەیە ڤەگوهەرن توندوتیژیێ. ژ بەر زێدەبوونا چالاکیێن ل دژی ئاماریکایێ هشیاری ژ بۆ پەرسۆنەلێن ئه‌مه‌ریكایێ یێن ل ترکیێ هاتیە دایین کو ب ئاستەکە هەری کێم بەشداری چالاکیێن گشتی ببن و ئەو جلێن کو ل سەر وان سەمبۆل و لۆگۆیێن ئه‌مه‌ریكایێ هەنە ل خوە نەکن.
هەروها زێدە بالێ نەکشینن سەر نەتەوه‌یا خوە و سەردانا کۆنسۆلخانەیا ئەدەنەیێ یا ل باشوورێ رۆژهلاتێ ترکیێ نەکن».
د داخویانیێ دە هەروها هات راگهاندن کو کۆنسولخانەیێن ئه‌مه‌ریكایێ یێن ل ئیزمیر و ئەدەنەیێ ژی ب ئاوایەکی دەمکی هاتنە گرتن.
