وەزیرێ دەرڤە یێ ترکیەیێ راگەھاند، “وەزیرێن دەرڤە یێن 7 وەلاتان کۆمەکا پەیوەندیان ل سەر رەوشا غەززەیێ پێک ئانیە و نیەتە د چارچۆڤەیا گەشتەکا دپلۆماسی دە سەردانا مۆسکۆیێ بکن.
رۆژنامەیا ستار ژ زارێ وەزیرێ دەرڤە یێ ترکیەیێ گۆت، “کۆمەکا پەیوەندیدار ھاتیە دامەزراندن کو ژ حەفت وەلاتان پێک ھاتیە، کو وەلاتێن ترکیە، ئەندۆنیزیا، نێجیریا، ئوردن، مسر، قەتەر و عەرەبستانا سعوودیێ نە. ڤێ کۆمێ دەست ب بجھانینا چالاکیێن خوە کریە”.
فیدان ئاماژە دا، “رۆژا دوشەمێ ئەو لژنە ل وەلاتێ چینێ بوو، ئیرۆ ژی دێ ل مۆسکۆیێ بە”.
وەزیرێ دەرڤە یێ ترکیەیێ گۆت، “من نەکاری رۆژا دوشەمێ لگەل وێ لژنەیێ بم ژ بەر کو ئەز ل پەرلەمانێ بووم لێ رۆژا سێشەمێ دێ تەڤلی جڤینێن وێ ببم”.
ھەروەسا وەزیرێ دەرڤە یێ ترکیەیێ دێ رۆژا چارشەمێ سەردانا لەندەن و پاریسێ ژی بکە، ژ بۆ کو تەڤلی جڤینا کۆما پەیوەندیان ببە.
پێشتر وەزارەتا دەرڤە یا ترکیەیێ راگەھاندبوو کو شێورمەندیا سیاسی د ناڤبەرا ترکیا و رووسیایێ دە ل مۆسکۆیێ ل رۆژا 21 ڤێ مەھێ ل سەر ئاستێ جیگرێن وەزیرێن دەرڤە دێ بێ کرن.
