ئالیکارێ سەرۆکێ گشتی یێ ئاک پارتیێ و بەردەڤکێ پارتیێ عۆمەر چەلیک پشتی جڤینا لژنەیا رێڤەبەریا ناڤەندی یا ل ناڤەندێ دەربارێ رۆژەڤێ دا داخویانی دا.
چەلیک ل سەر پرسەکا دەربارێ گۆتنێن سەرۆکێ گشتی یێ جەهەپێ ئۆزگور ئۆزەل بەرسڤەک دا. سەرۆکێ جەهەپێ د گۆتارەکا خوە د دەربارێ کوردان دە ئاخڤی و گۆتبوو کو؛ ل ترکیەیێ ھەر کەس وەکھەڤە، لێ کورد کێم وەکھەڤن” و دڤێت کورد ژی شارەدارێن خوە ھلبژێرن” چەلیک بەرسڤا خوە دە گۆت: “ئەڤ تێ وێ واتەیێ کو دەما ھلبژارتنێ یا جەهەپێ یا ئیستسمارکرنا ھلبژێرێن کورد دەست پێ کریە.”
چەلیک د بەردەواما ئاخاڤتنا خوە دە گۆت: “ل سەر ڤان مژاران مە تێکۆشین دا کو نەوەکھەڤیا د ناڤبەرا ھەموو پێکھاتەیێن ترکیەیێ دە ژ ھۆلێ رابە. ئەمێ رۆژەکێ ژ وە رە ببێژن، ئەم باش دزانن کو سەرۆکێ مە و ھەڤالێن مە یێن د ڤێ تێکۆشینێ دە ب چ تەھدیدان رە روو ب روو مانە، ب چ ریسک و مەترسیان روو ب روو مانە، ئەم ژ کیژان جینایەتێن سیاسی رزگار بوون و ئەڤ تێکۆشین ب سەر کەت، رایا گشتی، ھەر کەس باش دزانە. . ئیرۆ دەما ھلبژارتنێن ھەرێمی نێزیک دبن، جەهەپێ ب گۆتنا سەرۆکێ خوە یێ نوو، راگھاند کو دەمسالا ئیستسمارکرنا دەنگدێرێن کورد ڤەکریە. ژ بلی وێ ت قیمەتا وێ پەیڤێ نینە.”
چەلیک ڤەکری دا خویاکرن کو ژ بۆ پرسا کورد دەما ھندەک گاڤ ئاڤێتن راستا ئاستەنگێن مەزن ھاتنە ھەتا رادەیا کو ھاتنە تەھدیتکرن ژی.
