بارەگەھا ھێزێن ھەڤپەیمانیا ناڤدەولەتی یا ل دژی داعشێ ل رمێلانا رۆژئاڤایێ کوردستانێ ب دو درۆنان ھات ئارمانجکرن.
رەوانگەھا سووری یا مافێن مرۆڤان (SOHR) بەلاڤ کر، رێخستنا “بەرخوەدانا ئیسلامی ل ئیراقێ” ئیرۆ ب مووشەکان ئێریشی بارەگەھا خربت ئەل-جیر یا ھەڤپەیمانیا ناڤدەولەتی ل رمێلانێ ل پارێزگەھا حەسەکێ کرن.
دیار کر ژی، ئەو ئێریش ژ ئیراقێ ڤە ژ ئالیێ کۆما ب ناڤێ “بەرخوەدانا ئیسلامی” ھاتیە کرن و ھەتا نھا چ زانیاری ل سەر زیانێن وێ ئێریشێ تونە نە.
د چەند رۆژێن بۆری دە، پشتی شەرێ د ناڤبەرا ئیسرایل و حەماسێ دە، ئێریشێن ل سەر بارەگەھێن لەشکەری یێن ئامەریکایێ ل سووریێ و ئیراقێ زێدە بوونە.
ل گۆری رەوانگەھێ، ژ 19 جۆتمەھا بۆری ڤە، 47 جاران بارەگەھێن ھەڤپەیمانیا ناڤدەولەتی ل رۆژئاڤایێ کوردستانێ و سووریەیێ ھاتنە ئارمانجکرن.
ل ھەمبەر ڤێ یەکێ، ئامەریکا چەندین جاران چەکدارێن ئالیگرێن ئیرانێ ل ئیراق و سووریەیێ بۆمبەباران کرنە. وەزارەتا دەرڤەیا ئامەریکایێ ئاشکەرە کربوو، وان د بەرسڤا ئێریشان دە، 4 جاران ئەو کۆمێن کو ئێریش پێک ئانینە، بۆمبەباران کرن.
