پەکەکە ب تەنێ د چاپەمەنیا خوە وسا دخویە کو بێی پرسگرێکە، لێ بەلێ یا راست پەکەکە ب پرسگرێکێن ناڤخوەییی یێن هەری توند رە رووبروویە و ژ بەر ڤێ سەدەمێ هن جاران کادرۆیێن ڤێ رێخستنێ خوە دکوژن.
چاڤکانیێن تایبەت یێن پێگەها دارکا مازی ئەشکەرە کرن، دو ژ کادرۆیێن پەکەکێ ل هەرێما چیایێ گارێ ژ بەر دەرکەتنا پرسگرێکان ب بەرپرسێن خوە یێن بلند رە، خوە کوشتینە.
چاڤکانیێن مە ئەشکەرە کرن، یەک ژ وان چەکداران دەمهات ئۆرفا بوویە کو د ناڤا رێخستنێ دە بەرپرسیارێ یەکینەیەکە گەریلایان بوویە، دەمهات د سالا 2022 دە ل دەڤەرا دەشتا کافیا یا هەرێما چیایێ گارێ، ب سەدەما دروستبوونا پرسگرێکەکە ب شۆرەش بۆکان بەرپرسیارێ ئاکادەمیا شەهید ماهر رە خوە دکوژە.
ل گۆر ئاگاهیان، دەمهات ئۆرفا هن جاران بەرپرسیارێ خوە رەخنە کریە، لۆما ژی بەرسیارێ وی ئەرکێن پر گران ب وی ددە، هەر وەها وی نەچار دکە کو راپۆرا خوە رەخنەکرنێ بنڤیسە، لێ بەلێ دەمهات رازی نابە و ژ بەر ڤێ یەکێ پرسگرێکێن هەری مەزن د نێڤبەرا وان دە دروست دبن، کو دبن سەدەم دەمهات ئۆرفا خوە بکوژە.
ژ ئالیەکی دن ڤە، کادرۆیەکا دن یا پەکەکێ یا ب ناڤێ دەنیز جزیری ژی، د سالا 2022 دە هەر ل دەشتا کافیا یا چیایێ گارە ژ بەر پرسگرێکێن وێ ب زۆزان ستەورێ رە کو بەرپرسا ئەیالەتێ بوویە خوە دکوژە.
پرسگرێکێن ناڤخوەیی یێن د ناڤا پەکەکێ دە هەر کو دچە زێدەتر دبن، لێ ژ بەر کو پەکەکە خوەدی سیستەمەکە توندە، ئەڤ پرسگرێک زوو ب زوو ناگهن ناڤا چاپەمەنیێ دە، گەر نا پرسگرێکێن د ناڤا پەکەکێ دە هەیی د ناڤا ت پارتیەکە دن دە تونە نە.
