کۆمپانیا پەیوەندیان یا فلستینی پشتی قوتبوونا رێیێن سەرەکی یێن کەرتێ غەززەیێ، قوتبوونا تەڤایا خزمەتکاریێن پەیوەندیان و ئینتەرنێتێ ل کەرتێ غەززەیێ راگەھاند.
کۆمپانیا پەیوەندیان یا فلستینی پارڤە کریە، د رۆژا 59 یا شەرێ غەززەیێ دە تەڤایا خزمەتکاریێن پەیوەندیان و ئینتەرنێتێ ل کەرتێ غەززەیێ قوت بوون، ئەڤ ژی د دەمەکێ دە یە کو ھێزێن ئیسرایلێ ئێریشێن خوە یێن بەژاھیێ بەرفرەھتر کرنە و ئێریشی ھەمی دەڤەرێن غەززەیێ دکن.
ژ ئالیەکی دن ڤە ئیسرایل داخوازێ ژ خەلکێ خان یوونسێ دکە کو ب کۆم بەر ب دەریێ رەفەحێ یان دەڤەرا کنارێ دەریایێ ڤە بار بکن.
دۆھ رۆژا دوشەمبێ، 4 بەرچلەیا 2023، ئیسرایلێ ئێریش کر سەر دەریێ نەخوەشخانەیا کەمال ئەدوانێ و ب دەھان کوشتی و بریندار ھەبوون.
ھەروەسا وەزارەتا تەندروستیێ ل کەرتێ غەززەیێ راگەھاند، ژ دەستپێکا شەری ھەتا نھا 15 ھەزار و 899 کەس ھاتنە کوشتن و 42 ھەزار کەس ژی بریندار بوونە.
