سێ بەرپرسێن سەربازی یێن یه‌په‌گێ د ته‌قینه‌كێ ده ل دێرازوورێ هاتن کوشتن، یێك ژێ ئه‌ندامێ جڤاتا سەربازی یا دێرازوورێ یە.
ئیرۆ رۆژا چارشەمێ، 6ێ بەرچلەیا 2023ێ، دژەتەرۆرا کوردستانێ راگەهاند، «ژ بەر تەقینا بۆمبەیەکە نووساندی ب عەرەبەیەکە چەکدارێن یه‌په‌گێ ڤە، سێ بەرپرسێن بلندێن سەربازی یێن یه‌په‌گێ ل پارێزگەها دێرازوورێ یا سووریێ هاتن کوشتن».
ل گۆر راگەهاندنا دژەتەرۆرا کوردستانێ، ئەو روودان پشتی نیڤرۆیا دۆهـ رۆژا سێشەمێ، 5ێ بەرچلەیا 2023ێ، ل نێزی زەڤیا پەترۆلێ یا ئۆمەر ل پارێزگەها دێرازوورێ قەومیە».
هه‌سه‌دێ ژ ئالیێ خوە ڤە راگەهاند، بەرپرسەکی وان یێ سەربازی ب ناڤێ «رۆنی وەلات» کو هەروەسا ئەندامێ جڤاتا سەربازی یا دێرازوورێ یە «د ئێریشەکە ته‌رۆریستی دە ل رۆژهلاتێ دێرازوورێ» هاتیە کوشتن.
وەزارەتا بەرگریێ یا ترکیێ چ راگەهاندنێن فەرمی ل سەر ڤێ روودانێ پارڤە نەکرنە.
