تركیێ مال و ملك، په‌ره و حه‌سابێن بانكی یێن 20 رێخستن و 62 كه‌ساتیێن كو پێوه‌ندیا وان ب په‌كه‌كێ ره هه‌یه ل وه‌لاتێن ئه‌ورۆپا، ئوسترالیا، ژاپۆن، به‌ریتانیا و ئیراق و سووریێ، بلۆك كرن.
ل گۆری بریاره‌كێ كو رۆژنامه‌یێن فه‌رمی یێن تركیێ ئیرۆ رۆژا چارشه‌می 6/12/2023ان پارڤه‌كریه، وه‌زاره‌تا گه‌نجینه و دارایی یا تركیێ په‌ره، سامان و حه‌سابێن بانكی یێن 20 رێخستن و 62 كه‌سان ل سه‌رانسه‌ری جیهانێ ب سووچا هه‌بوونا پێوه‌ندیێن وان یێن ب په‌كه‌كێ ره بلۆك كرنه.
ل گۆری ئاژانسا رۆیته‌رزێ، ئه‌نقه‌رێ ئه‌ڤ گاڤ ل ژێر ناڤێ پێشیگرتنا گهیشتنا دراڤی ژ بۆی كارێن ته‌رۆرێ ئاڤێتیه.
هات راگهاندن، ئه‌ڤ رێخستن و كه‌سێن كو په‌ره‌یێن وان هاتنه بلۆك كرن، ل وه‌لاتێن ئه‌ورۆپی یێن وه‌كه ئه‌لمانیا، به‌ریتانیا، به‌لژیكا، فرانسا، سوێد، نورۆیژ و دانیماركێ نه، هه‌ر وها ل ئۆسترالیا، ژاپۆن و ئیراق و سووریێ.
