زەلامەکی ترک دەولەتا ئەلمانیا ب 45 ملیۆن یورۆیان خاپاند و رەڤیا

ترکێ ب ناڤێ ئۆرھان ئونال یێ 44 سالی، کو ل ئەلمانیایێ ب ئاڤاکرنا شیرکەتێن خەیالی و دانا فاتوورەیێن ساختە خەزینەیا ئالمانیایێ 45 ملیۆن یورۆیان خاپاندیە، ل ھەر دەرێ لێ دگەرن.

لگەل کو تێ تەخمینکرن ئونال رەڤیایە ترکیێ، داخوازێن دەولەتا ئەلمانیا یێن ژ بۆ ئالیکاریا یاسایی ھەتا نھا بێ ئەنجام مانە.

ترکێ ب ناڤێ ئۆرھان ئونال یێ کو ل باژارێن فرانکفوورت، ماننھەیم، دارمسادت و ئۆفەنباچ یێن ئەلمانیایێ ب ئاڤاکرنا شیرکەتێن خەیالی و ب فاتوورەیێن سەختە 45 میلیۆن یورۆ کۆم کرین، 2 سالن ژ ئالیێ پۆلیسان ڤە نایێ دیتن. پۆلیسێن ئەلمانیا گومانێ دکن کو ئونال ب پارەیان رەڤیایە ترکیێ.

ھات زانین کو د ڤێ مژارێ دە ھەتا نھا ژ ترکیێ چ ئالیکاریا یاسایی نەھاتیە کرن.

ھات دیارکرن کو ئونالێ 44 سالی د ناڤبەرا سالێن 2015-2019 دە د 41 بوویەرێن جودا دە ب رێخستنێن تاوانبار شیرکەت ئاڤا کرینە، ل سەر ناڤێ کەسێن کو وەک ئاموور ب کار تینە شیرکەت ڤەکرنە، ل ڤان دەران وەک مدوورێ گشتی خەبتیە و چاڤدێریا ھاتن و چوونا ھەسابێن بانکێ کریە.

ئۆرھان ئونال ب رێیا ڤان شیرکەتان فاتوورەیێن سەختە ستاندینە و ھەر وھا باج ژی نەدایە.

سەردۆزگەریا کۆمارێ و مدووریەتا پۆلیسان یا دارمستادتێ ژ سالا 2021 و ڤر ڤە ل ھەر دەرێ ل ئۆرھان ئۆنال دگەرن. ھەروەھا د ڤێ دەربارێ دە ئینتەرپۆل ژی ھاتیە ئاگاھدارکرن.