د ئێریشەکا ئاسمانی یا ئیسرایلێ دە، کەسەکی سووری و 3 چەکدارێن حزبوللاھا لبنانی ل پارێزگەھا قونەیتەرایێ ھاتن کوشتن.
رەوانگەھا سووری یا مافێن مرۆڤان (SOHR) بەلاڤ کر، دقۆنەکش ئیسرایلێ ئیرۆ دانێ سبێ ئۆتۆمۆبیلەک ل “تاخی” کو ھەژمارەک چەکدار تێ دە بوون د ناڤبەرا باژارۆکێ بەس و قوەنیتەرایێ دە بۆمبەباران کر.
دیار کر ژی، د ئەنجاما ئێریشێ دە، کەسەکی سووری و 3 چەکدارێن حزبوللاھا لبنانی یێن ژ یەکینەیا چاڤدێری و ئاڤێتنا مووشەکان ھاتن کوشتن.
ل گۆری زانیاریێن SOHR، ژ دەستپێکا شەرێ حەماس و ئیسرایلێ د 7 جۆتمەھا بۆری ڤە، ئیسرایلێ ھەتا نھا 28 جاران ئاخا سووریێ کریە ئارمانج، د ئەنجامێ دە ژی 32 چەکدار و 2 سڤیل ھاتنە کوشتن.
ژ ئادارا 2011 دە، ئیسرایل ھەر جار ئێریشی بارەگەھێن ئارتێشا سووریێ و میلیشیایێن سەر ب ئیرانێ ڤە دکە. ئیسرایل سووریێ تۆمەبار دکە کو ئەو رێ ددە ھێزێن سەر ب ئیرانێ ڤە ژ ناڤا سووریەیێ ڤە ئێریشی ئیسرایلێ بکن.
