مژارا دەستدرێژیکرنە سەر کەچ و ژنان ژ ئالیێ چەکدارێن پەیەدێ ل رۆژئاڤا کوردستانێ بەردەوامە، چەکدارێن پەیەدێ ژ بلی کو دەستدرێژیا سێکسی ل سەر هەڤدو دکن، هن ژ وان دەستدرێژیێ ل سەر کەچێن سڤیل ژی دکن.
چاڤکانیێن پێگەها دارکا مازی ئەشکەرە کرن، بەرپرس و هن ژ چەکدارێن سەر ب پەیەدێ ڤە بەردەوامن ل سەر کارێن بێ ئەخلاقانە و دەستدرێژیکرنە سەر کەچ و ژنێن رۆژئاڤا کوردستانێ، هەری داوی سێ چەکدارێن هێزێن پاسەوانێن سینۆری یێن سەر ب پەیەدێ ڤە ل باژارێ قامشلۆ ب هەڤ رە تەجاویزی سەر کەچەکە 19 سالی کرن.
چاڤکانیێن مە ئەشکەرە کرن، هەر یەک ژ ریاز حسێن یێ بەرنیاس ب “ریاز عەنتەریە” کو تابوور قومتانە، گابار قامشلۆ کو ئالیکارێ ریازە و ئازاد قامشلۆ کو ئاژۆکارێ ریازە، د ناڤەراستا مەها 11/2023 دە ل سینۆرێ باژارۆکێ قامشلۆ یێ سەر ب حەسەکێ ڤە، دەستدرێژیا سێکسی کرنە سەر کەچەکە 19 سالی.
ئەڤ نە جارا یەکەمین و داویێ یە کو بوویەرێن ب ڤی ئاوا ل رۆژئاڤا کوردستانێ دقەومن، پێش نها ژی چەندین جاران ئەڤ بوویەرە قەومینە و چەکدارێن سەر ب پەیەدێ تەجاویزی سەر کەچ و ژنێن رۆژئاڤا کرنە، لێ بەلێ ژ بەر ترسا ژ چەکدارێن پەیەدێ گەل نکارە ب ئاوایەکی ئەشکەرە نەرازیبوونا خوە ژ ڤان کریاران رە ئەشکەرە بکە.
