حزبولاها ئیراقی گەفا بەرفرەھکرنا ئێریشێن خوە ل سەر بارەگەھێن ئامەریکی کر و گۆت، ئەو کەسێن کو ئالیکارییا ئامەریکایێ دکن، ھەڤکارێن وان تاوانانن.
فەرماندارێ حزبولاھا ئیراقی ئەبوو عەلی عەسکەری راگھاند، ئەو تشتێن کو وان بەرێ ل دژی بارەگەھێن ئامەریکایێ ل ئیراق و سووریەیێ کرنە، تەنێ دەستپێکە، ژ نھا و پێ دە ئەو دێ ئێریشێن خوە بەرفرەھتر و توندتر بکن.
عەسکەری گۆت، ئەو کەسێن کو بنگەھێن ئامەریکایێ وەک شاندێن دیپلۆماتیک دزانن، ئەو دخوازن پێگەھ و بەرژەوەندییێن خوە ل ئیراقێ بپارێزن.
ئەو فەرماندارێ حزبولاھا ئیراقی دبێژە، “ئاژانسێن ئەولەکاری یێن کو ئالیکاریا ئامەریکایێ دکن ژی، ھەڤپارێ تەوانانن.”
د چەند رۆژێن بۆری دە، پشتی شەرێ د ناڤبەرا ئیسرایل و حەماسێ دە، ئێریشێن ل سەر بارەگەھێن لەشکەری یێن ئامەریکایێ ل سووریێ و ئیراقێ زێدە بوونە.
ھەری داوی ژی، بەردەڤکێ بالیۆزخانەیا ئامەریکایێ راگھاندبوو، رۆژا 8 ڤێ مەھێ ب دو مووشەکان ئێرشی بالیۆزخانەیا ئامەریکایێ ھاتبوو کرن.
پشترە ژی وەزیرێ بەرەڤانیێ یێ ئامەریکا لۆید ئاوستن لگەل سەرۆکوەزیرێ ئیراقێ محەمەد شیاع سوودانی ئاخڤی و تەکەزی ل سەر پابەندبوونا حکوومەتا ئیراقێ ب پاراستنا کارمەندێن دیپلۆماتیک و شێورمەندێن ھەڤپەیمانان کربوو.
