وەزارەتا خەزینەیا ئامەریکایێ، د چۆرچۆڤەیا سزایێن ئابۆری یێن ل سەر رووسیایێ دە ب سەر 7 کۆمپانیایێن ترکیەیێ دە سزا سەپاند.
وەزارەتا خەزینەیا ئامەریکایێ، ب سەدەما کو ژ بۆ رووسیایێ کەلووپەلێن لەشکەری دابین دکن دێ ب سەر 150 کۆمپانیایان دە سزایێن نوو بسەپینە.
د ناڤ وان دە 7 کۆمپانیایێ ترکیەیێ ژی نە.
“کریملنێ رووسیا ڤەگوھاستیە ئابۆریا شەر”
دەربارێ مژارێ وەزیرا خەزینەیا ئامەریکایێ جانێت یەلێنێ گۆت: “کریملن ب ئاوایەکی بەردەوام رووسیا ڤەگوھاستیە ئابۆریا شەری. سەرۆکێ رووسیایێ ڤلادیمێر پوتین نکارە ڤێ یەکێ تەنێ ب بەرھەمانینا خوەجھی بکە. ئارمانجێن سزایێن ھاتین ئەشکەرەکرن ئەو کەلووپەلن کو ژ بۆ ئارتێشا رووسیایێ ب ئاوایەکی ب لەز پێویستن.”
جانێت یەلێنێ دیار کر کو کۆمپانیایێن سزا ب سەر وان دە ھاتنە سەپاندن ژ بۆ بەردەوامکرنا شەرێ ئوکراینایێ پشتیڤانیا ددن رووسیایێ و ژ پۆلیتیکایێن بەرفرەھبوون و ئەنەرژیێ یێن رووسیایێ رە دبن ئالیکار.
پشتی کو ژ بەر شەرێ ئوکراینایێ سزایێن ئابۆری ب سەر رووسیایێ دە ھاتن سەپاندن بەرپرسێن ئامەریکایێ دەربارێ پێوەندیێن ئابۆری یێن ل گەل رووسیایێ گەلەک جاران ھشیاری دانە ترکیەیێ.
وەزارەتا خەزینەیا ئامەریکایێ، د چۆرچۆڤەیا سزایێن ئابۆری یێن ل سەر رووسیایێ دە بەری چەند رۆژان ژی ب سەر 7 کۆمپانیا و وەلاتیەکی ترکیەیێ دە سزا سەپاند.
ناڤێن وان کۆمپانیایێن ترکیەیێ یێن سزا ب سەر دا ھاتنە سەپاندن ئەڤن:
کۆمپانیایا بازرگانیا ناڤخوەیی و دەرڤە یا بۆسفۆر ئاڤراسیایێ
کۆمپانیایا بازرگانی و پیشەسازییا ئەگەتر ئۆتۆمۆتڤێ
کۆمپانیایا بازرگانیا دەرڤە یا گلۆبوس تورکیە لۆژستکێ
کۆمپانیایا بازرگانیا دەرڤەیا کارتال ئەخمێ
کۆمپانیایا ئەلەکتریک و ئەلەکترۆنیکێ یا کۆنۆمار گەمیێ
کۆمپانیایا ئەلەکترۆنیک و پیشەسازیێ مەگاسانێ
کۆمپانیایا بازرگانی و پیشەسازییا فرۆتنا کەلووپەلێن ئۆتۆمۆبیلان یا ئۆزکای
