ل بەغدایێ ئێریش ل سەر ناڤەندەکا دەنگدانێ ھات کرن

 ئاژۆکارەکی توکتوکێ ل ناڤچەیا سادر یا بەغدایێ ئێرشی ناڤەندەکا دەنگدانێ کر و پشترە ژ ئالیێ ھێزێن ئەولەھیێ ڤە ھاتە گرتن.

ئیرۆ دانێ سبێ 16/12/2023، د دەما برێڤەچوونا پرۆسەیا دەنگدانا ھلبژارتنێن ئەنجوومەنا پارێزگەھێن ئیراقێ دە، ئاژۆکارەکی توکتوکێ ل ناڤچەیا سەدر ب نارنجۆکەکێ ئێرشی بنکەیا دەنگدانێ یا “قەدحین” کر.

ئێریشکار ژ ئالیێ ھێزێن ئەولەھیێ ڤە ھاتیە گرتن و لێکۆلین ب وی رە تێ کرن.

پرۆسەیا دەنگدانا تایبەت ژ بۆ ھلبژارتنێن ئەنجومەنێن پارێزگەھێن ئیراقێ، ئیرۆ ل 14 پارێزگەھێن ئیراقێ، ناڤچەیێن کوردستانی و ھەرێما کوردستانێ ژ دەمژمێر07:00 ڤە دەست پێ کر و دێ ھەتا دەمژمێر 18:00 ئێڤاری بەردەوام بکە.

دەنگدانا تایبەت بۆ ھلبژارتنێن ئەنجومەنێن پارێزگەھێن ئیراقێ (ژ بلی پارێگەھێن ھەرێما کوردستانێ) ئیرۆ (16/12/2023) تێ کرن و ھلبژارتنێن گشتی ژی د رۆژا 18 ڤێ مەھێ دە دێ وەرە کرن.