مەدیایا لبنانی و ژێدەرێن ئەولەکارییێ ژی ئیرۆ پێنجشەمبێ راگھاندن کو د ئێریشێن ئیسرایلێ دە یێن ل باشوورێ لبنانێ ژنەکا پیر ھاتیە کوشتن و مێرێ وێ ژی بریندار بوویە.
ئاژانسا رویتەرس یا نووچەیان ددە زانین کو ئیسرایلێ د ئێریشان دە ل باشوورێ لبنانێ ھەتا نھا نێزیکی 20 کەسێن سڤیل کوشتنە، د ناڤ دە زارۆک و رۆژنامەڤان ژی.
حزبولاهێ ژی دییار کر کو ئەندامەکی وێ ھاتیە کوشتن کو ل گۆر وێ رێخستنێ د ئێریشێن داوی یێن ئیسرایلێ دە پتر ژ 100 چەکدارێن وێ جانێن خوە ژ دەست دانە.
حزبولاهـ، پشتی ھەڤبەندا وێ حەماسێ 7 جۆتمەھێ ئێریش برن سەر باشوورێ ئیسرایلێ دژی ھێزێن وێ ئێریشان ل دار دخە کو ئەڤ یەک دکە کو ھێزێن دن یێن ب پشتگرییا ئیرانێ ژی تەڤبگەرن و رێ ل بەر گوربوونا گرژییا ل رۆژھلاتا ناڤین ڤەدکە.
