په‌كه‌كێ جوانه‌كی ئێزدی ب ئاوایه‌كێ وه‌حشی قه‌تل كر
چه‌كدارێن په‌كه‌كێ یێن ل شه‌نگالێ، به‌ریا 3 رۆژان جوانه‌كی ئێزدی ل به‌ر چاڤێن كوڕێ وی یێ زارۆك ب ئاوایه‌كی هۆڤانه قه‌تل كر، ئه‌ڤ ژی دبه یێكه‌م ته‌وانا په‌كه‌كێ یا پشتی هلبژارتنان و ده‌مۆكراسییا وێ یا ساخته یا كو بانگا وێ بۆ گه‌لێ شه‌نگالێ دكه.
هه‌ژماره‌كه چه‌كداران ژ گرووپا «ته‌رۆر و كوشتنێ» یا په‌كه‌كێ، ئێڤاریا رۆژا شه‌مییا رابووری 23/12/2023ان ل چه‌پێن چیایێ شه‌نگالێ، جوانه‌كێ ئێزدی یێ ب ناڤێ «ئه‌حمه‌د حه‌سۆ قۆلۆ» د ئه‌ره‌به‌یا وی ده ل به‌ر چاڤێن كوڕێ وی یێ زارۆك ب ئاوایه‌كی وه‌حشی و هۆڤانه قه‌تل كر.
چاڤكانیێن داركا مازی یێن ل ده‌ڤه‌را شه‌نگالێ ئاگاهیێن تایبه‌ت و دیمه‌نێن ڤێ ته‌وانا په‌كه‌كێ ب ده‌ست خستنه.
ته‌وان ووسا بوو:
ل ئێڤارییا رۆژا شه‌مبییا رابووری، 4 چه‌كدارێن ژ گرووپا «ته‌رۆر و كوشتنێ» یێ په‌كه‌كێ ب سه‌روچاڤێن نخافتی و ئه‌ربه‌یه‌كه جام ره‌ش ل چه‌پێن چیایێ شه‌نگالێ گوللـه به‌ردان ئه‌ره‌به‌یا جوانێ هه‌مولاتیێ ئێزدی یێ ب ناڤێ «ئه‌حمه‌د حه‌سۆ قۆلۆ»، د وێ ده‌مێ ده كوڕێ وی یێ ب ناڤێ «ئۆرهان» پێ ره بوو.
پشتی گوللـه ب ئه‌ره‌به‌یێ كه‌تین ئه‌ره‌به راوه‌ستیا و چه‌كدارێن په‌كه‌كێ چوونه سه‌ر ئه‌ره‌به‌یێ و «ئه‌حمه‌د حه‌سۆ قۆلۆ» تێ ده ب ئاوایه‌كی وه‌حشی ل به‌ر چاڤێن كورێ وی «ئۆرهان» قه‌تل كرن، گوللـه ل سه‌ر وێ خستن و ئاله‌كێ سه‌رێ وی بژكاندن.
ئاگاهیێن به‌ر ده‌ستێ مه ئه‌شكه‌ره دكن كو «ئه‌حمه‌د حه‌سۆ قۆلۆ» كه‌سه‌كی كاسبكاره و د دارتاشیێ ده د خه‌بتی، هه‌ڤژینا وی به‌رێ ب سه‌ده‌ما ته‌جاویز و زۆردارییا په‌كه‌كێ ژ شه‌نگالێ ره‌ڤیابوو تركیێ و په‌كه‌كێ تۆهمه‌تا سیخۆرییێ ژ بۆی «ئه‌حمه‌د حه‌سۆ» چێكر و ب وێ سووچێ قه‌تل كر.
چاڤكانیێن مه یێن ل شه‌نگالێ ئه‌شكه‌ره كرن كو «ئۆرهان»ێ زارۆك راستی حاله‌ته‌كی ده‌روونی یێ خه‌راب بوویه و ره‌وشا وی تێكچوویه.
ل همبه‌ری ڤێ ته‌وانا وه‌حشی یا په‌كه‌كێ گه‌لێ ئێزدی یێ ل شه‌نگالێ نكاره ده‌نگێ خوه بكه و ڤێ ته‌وانا په‌كه‌كێ پرۆته‌ستۆ بكه، هه‌ر وها ت سازیێن ئه‌وله‌كاریێ یێن حكوومه‌تا ئیراقێ یێن كو د شه‌نگالێ ده نه ل مافێ «ئه‌حمه‌د حه‌سۆ قۆلۆ» خوه‌دی ده‌رنه‌كه‌تنه.
ئه‌ڤ ته‌وان نه یا یه‌كێ یه په‌كه‌كێ ل دژی گه‌لێ ئێزدی ئه‌نجام دده، په‌كه‌كه یا كو قالا ده‌مۆكراسی و خوه‌سه‌ریێ ژ بۆی شه‌نگالێ دكه، دخوازه ب ته‌وانێن ووسا یێن وه‌حشی و ب ره‌ڤاندنا زارۆكێن ئێزدیان و چه‌كدار كرنا وان، ده‌مۆكراسیا خوه یا ساخته ل سه‌ر گه‌لێ به‌له‌نگاز یێ شه‌نگالێ فه‌رز بكه.
