ئێنریكی پانیرۆ راگهاند، مسرێ نەهشتیە بالافرا کو وێنەیێ ژینا کورد ژینا ئەمینیێ ل سەرێ بوو داکەڤە بالافرگەها وێ.
پیلۆتێ بەرێ و دەرهێنەرێ ئیتالیان-ئارژانتینی ئێنریكی پانیرۆ ب بالافرا خوە یا تایبەت ئالیکاریێن مرۆڤی دگهینە دەڤەرێن جودا یێن جیهانێ.
ڤێ جارێ خوەست ب رێیا مسرێ ئالیکاریان بگهینە غه‌ززه‌یێ لێ حکوومەتا مسرێ ژێ رە گۆت:
«ژ بۆ تو دەستوورا داکەتنا بالافرێ وەرگری لازمە تو وان وێنەیێن ل سەر بالافرێ ژێ ببی».
ل سەر بالافرا ئێنریكی پانیرۆ وێنەیێن فوتبۆلیستێ ئیرانی ئەمین ناسر ئازادان یێ کو جەزایێ ئیدامێ لێ هاتبوو برین و ژینا ئەمینیێ هەبوون.
وێنە ژێبر
ژبلی وێنەیان ل سەر بالافرێ وها هاتبوو نڤیسین:
«نابە ژن ژ بەر مەجبووریەتێ سەرێ خوە بپۆشن و نابە کو مێر ژ بەر نیشاندانا نەرازیبوونا خوە یا ل هەمبەری ڤێ یەکێ بێن بدارڤەکرن».
ئێنریكی پانیرۆ پشتی ڤی شەرتێ مسرێ ب رێیا حه‌سابا خوه یا تۆرا«X» ڤیدیۆیەک پارڤە کر کو تێ دە خویا دبە وێنەیێ ژینا ئەمینیێ ژێ دبن.
چ چێببوو؟
ژینا ئەمینی ل 16ێ ئیلۆنا 2022یان ل تەهرانێ د بن چاڤدێریا پۆلیسان دە جانێ خوە ژ دەست دا.
پۆلیسان ب هنجەتا کو «پۆرا خوە ل گۆری رێزکێن ئیسلامی نەنخووماندیە» ئەو دەستەسەر کر و ژینا راستی شکەنجەیێ هات.
پشتی کو ژینایێ جانێ خوە ژ دەست دای ل سەرانسەرێ ئیران و رۆژهلاتێ کوردستانێ پرۆتەستۆیان دەست پێ کر.
هێزێن ئیرانی ب ئاوایەکی دژوار ئێرشی خوەپێشاندەران کر.
هەری کێم 500 کەس هاتن کوشتن، ب هەزاران کەس ژی هاتن گرتن.
هەروها 4 خوەپێشاندار ژی هاتن بدارڤەکرن
To fly a humanitarian cargo to El Arish for Gaza, the Egyptian government would not allow the livery with the photo of Mahsa Amini and the legend:
No woman should be killed for not covering her head.
No man should be hanged for saying this
We had to remove it to land there pic.twitter.com/wzZj2N4k5u
— Enrique Piñeyro (@epineyro_ok) December 22, 2023
