ل ترکیێ 189 بەرگوومانێن داعشێ ھاتن دەستەسەرکرن

ل 37 باژارێن ترکیێ ل دژی داعشێ ئۆپەراسیۆن ھاتن کرن و 189 بەرگوومانێن وێ رێخستنا تەرۆرست ھاتن دەستەسەرکرن.

وەزیرێ ناڤخوەیێ ترکیێ عەلی یەرلیکایا راگھاند، ب ھەڤاھەنگیا ھێزێن ئەولەھیێ و دەزگەھا ھاوالگرییا ترکیەیێ (میت) ل 37 باژارێن ترکیێ ئۆپەراسیۆنەکە بەرفرەھ ل دژی داعشێ ھاتیە کرن.

عەلی یەرلیکایا دا زانین ژی، د ئەنجاما وان ئۆپەراسیۆنان دە، 189 بەرگوومانێن داعشێ ھاتنە دەستەسەرکرن.

دوھی ژی 32 بەرگوومانێن داعشێ ھاتبوون دەستەسەرکرن، کو 3 ژ وان بەرپرس بوون. بەرپرسێن داعشێ ب ئامەدەکاریکرنا ئێریشێن ل دژی بالیۆزخانەیا ئیراقێ یا ل ئەنقەرەیێ و پەرەستگەھێن ئۆلی یێن جھوو و مەسحیان ھاتن تۆمەتبارکرن.