روانگەها سووریێ یا مافێن مرۆڤان راگەهاند، د ئێریشەکا ژ نشکێ ڤە یا شانەیێن داعشێ ل گوندێن دێرازۆرێ ل رۆژهلاتێ سووریێ، 9 سەربازێن ئارتێشا سووریێ هاتن کوشتن و زێدەتری 20 کەسێن دن ژی بریندار بوون.
روانگەها سووریێ یا مافێن مرۆڤان راگەهاند، «چەکدارێن داعشێ ئێریشەکا ژ نشکێ ڤە کر کو ژ کووراتیا بیابانێن سووریێ دەست پێ کر، بۆ سەر جهێن هێزێن رژێمێ و بەرگریا نشتیمانی، ل بیابانا تیبنیێ. د ئەنجاما وێ ئێریشێ دا، نێزی 9 سەربازێن ئارتێشا سووریێ و چەکدارێن بەرگریا نشتیمانی هاتن کوشتن و زێدەتری 20 کەسێن دن ژی بریندار بوون».
روانگەهێ هەروەسا ئاماژە دایە، «شەر ژ ئێڤارا دوهـ هەتا سەرێ سبەها ئیرۆ بەردەوام بوو. بەری کو چەکدارێن داعشێ خوە ژ وان جهان ڤەبکێشن، بیابانا باژارکێ تیبنیێ و مەدانێ ل گوندێن رۆژئاڤایێ دێرازۆرێ کۆنترۆل کربوو، پاشتر دەستێ خوە دانابوو سەر ئەرەبەیەکێ کو تۆپەکا 57 ملیم و تەقەمەنی ل سەر بوون، هەروەسا سێ ئەرەبەیێن سەربازی ژی پووچ کرنە».
