ژ بەر دو تەقینان ل ناڤ مەراسیمێن بیرئانینا قاسم سلێمانی ل باژارێ کرمانێ دە، 20 کەس ھاتن کوشتن و زێدەتری 30 کەسان ژی بریندار بوون.
مەدیایا ئیرانێ راگەھاند، ژ بەر دو تەقینێن یەک ل دوو یەکێ ل نێزی گۆرا قاسم سلێمانی، ب کێمی ڤە 20 کەس ھاتنە کوشتن و زێدەتری 30 کەسان ژی بریندار بوونە.
دەستپێکێ مەدیایا ئیرانێ راگهاند، تەقین ب سەدەما کەپسۆلێن گازێ بوویە ل نێزی مزگەفتا “ساحێب زەمان” کو دکەڤە سەر رێیا گۆرستانێ.
لێ د یەکەم داخویانیا فەرمی دە، رەحمان جەلالی، جێگرێ پارێزگارێ کرمان ژ بۆی کاروبارێن سیاسی و ئەولەهی راگهاند، “تەقین ب بۆمبەیێن چاندی هاتیە ئەنجامدایین و ئەڤ کارەکی تەرۆریستی یە”.
