درۆنەکێ بارەگەها تەڤگەرا نوجەبا یا سەر ب حه‌شدا شه‌عبی ڤە کر ئارمانج و د ئەنجامێ دە 2 سەرکردە هاتن کوشتن، یێك ژێ ب ناڤێ ئه‌بۆ ته‌قوا سه‌عیدی تێ ناسكرن كو فه‌رماندارێ لیوایا 12 یا ته‌ڤگه‌را نوجه‌با یه.
دانێ نیڤرۆ 4/1/2024ێ درۆنەکێ بارەگەها تەڤگەرا نوجەبا یا سەر ب حه‌شدا شه‌عبی ڤە ل کۆلانا فلستین یا بەغدایێ کرە ئارمانج.
مەدیایا نێزیکی حه‌شدا شه‌عبی دبێژن، ئەڤ ئێریش ژ ئالیێ ئامەریکایێ ڤە هاتیە کرن و تێ دە دو سەرکردەیێن وێ تەڤگەرێ هاتنە کوشتن.
هات راگهاندن کو یەک ژ وان کوشتیان، فەرماندارێ لیوایا 12ا تەڤگەرا نوجەبا ئەبو ته‌قوا سه‌عیدی و جێگرێ وی یێ ب ناڤێ تالب ئه‌لـ سه‌عیدی و هه‌ر وها 6 چەکدارێن دن ژی بریندار بوونە.
کۆڤارا ئامەریکی «نەوسوەئەک» د داویا مەها بۆری دە هشیاریەکە نوو یا راستەراست یا تەڤگەرا ئەل-نوجەبا یا ئیراقێ بۆ سەرۆکێ ئامەریکا جۆ بایدن بەلاڤ کربوو کو تێ دە بانگ ل وی کر کو هێزێن ئامەریکی ژ ئیراقێ ڤەکشینە، یان ژی دێ لەشکەرێن ئامەریکی ب پەرچە پەرچە بۆ مالباتێن وان هێن ڤەگەراندن.
